Сайлау комиссиясындағы кездесулер

Кеше Қазақстан Республикасы Орталық сайлау комиссиясының төрағасы Қ.Тұрғанқұлов Өзбекстан Республикасы Орталық сайлау комиссиясының төрағасы М.Абдусаломовпен кездесті. Кездесуге Өзбекстан Рес­публикасы Олий Мажлис Заң шығару палатасы Халықаралық істер және парламентаралық байланыс жөніндегі комитетінің мүшесі А.Кадиров, Қазақстан Республикасы Орталық сайлау комиссиясының мүшелері М.Сәрсембаев, Т.Охлопкова, сондай-ақ, Өзбекстан Респуб­ликасы Орталық сайлау комис­­сиясының ұйымдастыру-әдісте­мелік бөлімінің басшысы Х.Аб­ду­рахманов қатысты. Өзбекстан Ортсай­лау­­ком­ының басшысы сөйлеген сөзінде әріптестеріне Қазақ­стан­дағы президенттік сайлауды транспаренттік және плю­рализмнің демократиялық қағидаттарына сәйкес жоғары ұйымдастырушылық деңгейде өткізуде табыс тіледі. Қ.Тұрғанқұлов делегация мүшелерін Қазақстан Рес­пу­б­ликасы Орталық сайлау комис­сиясының президенттік сайлауды әзірлеу мен өткізу жөніндегі қызметімен таныс­тырып, ағымдағы сайлау науқа­нының ерекшеліктері туралы айтып берді. «Сайлау науқанының үш үлкен кезеңі аяқталды, біз атқарушы органдармен бір­ге сайлаушылар тізімдерін нақ­ты­лау бөлігінде үлкен жұмыс жасадық, бұл туралы республика бойынша 1 қаңтардан бас­тап сайлаушылар санының 213 мыңнан астам адамға өскені куәландырады. Әр азамат өзі­нің конституциялық сайлау құ­қығын кедергісіз іске асыра алуы үшін қажетті барлық шаралар қолданылды. Дайындық күнтізбелік жоспарға сәйкес, сайлау заңнамасының норма­ларын бұзусыз өтуде. Бүгінгі күн­ге азаматтардың 94 өтіні­ші келіп түсті, олардың 47-сі тіке­лей электораттық тақырыпқа қатысты», – деп атап өтті ол. Кездесу соңында екі ел­­дің Орталық сайлау ко­мис­­сия­ларының басшылары сай­­лау тә­жі­рибесін және сай­­лау заң­на­масын жетіл­діру сала­­сын­да одан арғы ынтымақ­тас­­тық­тың және тәжірибе алма­су­дың жал­­ғасатынына сенім білдірді. * * * Қазақстан Республикасы Орталық сайлау комис­сия­сы­ның төрағасы Қуандық Тұр­­ғанқұлов Украина Орта­лық сайлау комис­сиясы­ның төра­ғасы Михаил Охендовс­киймен кездесті. Кездесуге Қазақстан Рес­пуб­ликасы Орталық сайлау ко­миссиясының мүшесі Т.Ох­лопкова, сондай-ақ, Украина Ор­та­лық сайлау комиссиясы төр­ағасының кеңесшісі В.Пи­ро­женко қатысты. Ортсайлауком басшысы делегация мүшелерін Орталық сайлау комиссиясының  пре­зи­денттік сайлауды әзірлеу мен өткізу жөніндегі қызметімен таныстырып, сайлау науқанының ерекшеліктері, дауыс беру күніне дайындық барысы туралы айтып берді. «Бүгін 24.00 сағатта кан­ди­даттардың үгіт науқаны аяқ­талады. Ол белсенді, заң бұ­зушылықтарсыз өтіп жатыр. 25 сәуірде сайлаушылар сырттан ықпалсыз өзінің алдағы таңдауын біржола пайымдап, олардың ішіндегі  осы уақытта өзінің мекенжайын өзгертетіндердің 18.00 сағатқа дейін дауыс беру құқығын беретін есептен шығару куәлігін алуға мүмкіндік беретін «ты­ныш­тық күні» басталады», – деді Қ.Тұрғанқұлов. Украина Орталық сайлау комиссиясының төрағасы Рес­пуб­ликадағы шешуші күн қар­саңындағы сайлау ұйым­дас­тырушылардың сайлау нау­қанына жақсы дайындалғанын куәландыратын бірқалыпты жағдайды атап өтті, сондай-ақ, байқаушы ретінде шақыруға алғысын білдіріп, дауыс беру күні игілікті жұмыс ахуалын тіледі. Әлисұлтан ҚҰЛАНБАЙ, «Егемен Қазақстан».