Қоғам • 24 Маусым, 2024

Өскеменде полиция қызметкерін балағаттаған тұрғын жазаланды

65 рет
көрсетілді
1 мин
оқу үшін

Өскемен қаласының тұрғыны әлеуметтік желіні пайдалана отырып, мемлекеттік қызметкерді қорлағаны үшін жазаланды, деп хабарлайды Egemen.kz соттың баспасөз қызметіне сілтеме жасап.

Өскеменде полиция қызметкерін балағаттаған тұрғын жазаланды

Фото: Polisia.kz

№2 қалалық соттың баспасөз қызметі хабарлағандай, тұрғын Я.-ны 9 сәуірде сағат 21:00 шамасында Өскемендегі Белинский, Бажов көшелерінің қиылысында полиция қызметкерлері тоқтатқан. Өзінің қызметтік міндеттерін орындау кезінде полиция қызметкері К-ге жүгінген, тұрғын өзін әдепсіз ұстаған. Кейін полиция қызметкерін қорлаған бейнежазбаны TikTok әлеуметтік желісіне орналастырған.

Сотталушы Я. өз кінәсін толық мойындап, жасаған ісіне өкінді. Сот оған 80 сағаттық қоғамдық жұмыстар түрінде жаза тағайындады.