Аймақтар • 02 Шілде, 2024

Нұрлан Қоянбаев қызметін тегін атқарады - Түркістан облысының әкімі

73 рет
көрсетілді
1 мин
оқу үшін

Түркістан облысының әкімі Дархан Сатыбалды танымал әзілкеш Нұрлан Қоянбаевты не үшін штаттан тыс кеңесшісі етіп тағайындағанын айтты, деп хабарлайды Egemen.kz.

Нұрлан Қоянбаев қызметін тегін атқарады - Түркістан облысының әкімі

- Штаттан тыс кеңесші. Оған ешқандай айлық төленбейді. Қаржы бөлінбейді. Қайта біз оның тәжірибесін пайдаланып, істеп отырмыз, - деді әкім.

Дархан Сатыбалды сонымен бірге Нұрлан Қоянбаев өңірдегі нақты қандай мәселерді шешуге көмектесетінін түсіндірді.

- Туристерді тарту үшін, креатив индустрия деп жатырмыз, соны дамыту үшін. Қазір сондай бір орталық ашып жатырмыз, соған өзінің кеңестерін береді. Тәжірибесі бар жігіт, неге тартпасқа? Түркістанға кім пайдасын әкелсе, бәрімен жұмыс істеймін, - деді Түркістан облысының әкімі.

Еске салайық, бұған дейін Нұрлан Қоянбаев Түркістан облысы әкімінің креативті индустрияны дамыту бағыты бойынша штаттан тыс кеңесшісі болып тағайындалғанын хабарлаған едік.