Тексеру нәтижесінде экологиялық заңнаманың бұзылғаны анықталды – ІІ санаттағы объектілерге экологиялық рұқсатсыз асфальт бетон қондырғысы мен ұсақтау кешенін пайдалану фактілері тіркелді.
2024 жылғы 21 қарашадағы инспектордың қаулысымен ЖШС Әкімшілік құқық бұзушылық туралы кодекстің 328-бабының 1-бөлігі бойынша әкімшілік жауапкершілікке тартылды. Аталған қаулы ЖШС тарапынан Өскемен қаласының әкімшілік құқық бұзушылықтар жөніндегі мамандандырылған сотына шағымданған. Соттың 2025 жылғы 4 наурыздағы қаулысымен ЖШС-нің кінәсі анықталып, 1 миллиард теңге көлемінде айыппұл салынды.
Тарап апелляциялық тәртіппен жоғары тұрған сотқа шағым түсірді. Алайда 2025 жылғы 10 сәуірдегі апелляциялық инстанцияның қаулысымен бірінші сатыдағы сот шешімі өзгеріссіз қалдырылды.
Айта кетейік, бұл туралы облыстық прокуратураның ресми сайтында жарияланды.
