Ассамблея еліміздегі этносаралық татулық пен келісімнің отандық моделін қалыптастырып, әлемге үлгі боларлық деңгейге жетті. Бұл – үлкен мәртебе. Енді осыны жетілдіруіміз керек. Ол үшін этносаралық қатынастарға ерекше назар аудару қажет. Жаңаша тәсіл зерттеулерге сүйеніп жүргізілуге тиіс.
Қоғам әртекті. Кейде базбіреулер бірлігімізге көз алартып қарайды. Елдегі татулықты бұзатын, этносаралық қарым-қатынасқа сызат түсіретін кез келген әрекет заң аясында қатал жауапкершілікке тартылатынын Мемлекет басшысы нақты айтты. Бұл сөз мені ерекше қуантты. Себебі біз, ардагерлер, көп жыл бойы бірлік пен келісімді сақтау үшін қажырлы еңбек еттік. Қазір де әр кездесу не жиын болсын, жастарға, жалпы қоғамға «Заң мен тәртіп» қағидатын қатал ұстануға үндеймін. Өйткені елдегі тыныштықты, достықты сақтау – әр азаматтың жауапкершілігі.
Мен Қазақстан халқы Ассамблеясының ардагері ретінде болашақта еліміздің бірлігін, татулығын сақтауға бағытталған барлық бастаманы қолдаймын. Бірліктің арқасында еліміздің экономикасы өрлейді, әлеуметтік тұрақтылық артады. Бұл – өмірден алынған ақиқат.
Икрам ХАШИМЖАНОВ,
«Дустлик» өзбек этномәдени бірлестіктері қауымдастығының төрағасы
