Дзюдо күресінен әлемдік және құрлықтық деңгейдегі ұйымдардың басшылық қызметінде қазақ мамандарының көбеюуі көңілге қуаныш ұялатады. Өйткені, Олимпия ойындары мен әлем чемпионаты, Азия ойындары мен біріншіліктері және басқа да аса ірі халықаралық жарыстарда балуандарымызға қиянат жасалған жағдайда оларға араша түсіп, ақырынып теңдік сұрайтын тау тұлғалар бар. Мәселен, Алмас Әлсенов есімді азамат біраз жылдан бері Халықаралық дзюдо федерациясы (IJF) президентінің көмекшісі қызметін атқаруда. Міне, енді басшылық қызметке Тимур Тұрсымбаев тағайындалды.
Тимур Төлеутайұлы күрестің бұл түрінде кездейсоқ адам емес. Ол Қарағанды облысында дзюдоның дамуына елеулі үлес қосты. Республикалық деңгейде де мойындалды. Тұрсымбаев алғашқы күндерден бастап, 2022 жылы құрылған отандық «Жеңіс» клубының тізігінін ұстап, талай игі-істің басы-қасында жүрді. Ол Алмас Әлсеновпен иық тіресе жұмыс істеп, Қарағанды облысындағы барлық дзюдо залдарына татами сатып әперіп, қажеті құралдармен жабдықтады. Балуандар мен бапкерлерді халықаралық стандарттарға сай спорттық киімдермен қамтымасыз етті. Оған қоса әр ай сайын қосымша тағам, қажетті витамин және дәрі-дәрумендер әперіп тұрады. Бір сөзбен айтсақ, қазіргі кезде Қарағанды облысының құрама командасы мен «Жеңіс» кәсіпқой клубы мүшелерінің еш алаңсыз жаттығуына барлық жағдай жасалған. Ал дзюдошылар өз кезегінде жүктелген міндетті асқан жауапкершілікпен атқарып, түрлі байрақты бәсекелерде жеңіс тұғырына көтерілуде. Бір ғана мысал, 2023 жылдың желтоқсан айында Алматыда «Жеңіс» клубының жүлдесі үшін аса ірі халықаралық турнир ұйымдастырылды. Бұл бәсекеде 11 мемлекеттен келген 17 команда күш сынасты. Сол жарыста «Жеңістің» сапындағы сайыпқырандар жасындай жарқылдады. Сондай-ақ, былтыр Париж Олимпиадасында атой салған Елдос Сметов пен Ғұсман Қырғызбаев та дәл сол клубының мүшесі екенін де жанкүйерлер жақсы біледі.
