Фото: Қаржы министрлігі
Кездесудің ашылуында ҚХР Мемлекеттік кеңесінің вице-премьері Дин Сюэсян ШЫҰ-ның аймақтық және халықаралық экономикалық ынтымақтастықты нығайтудағы маңызды рөлін атап өтті. Оның айтуынша, ұйым бүгінде сауда-экономикалық өзара байланыстарды дамытудың пәрменді алаңына айналып отыр.
Шара аясында қатысушылар ШЫҰ кеңістігіндегі көпжақты ынтымақтастықтың болашағы мен өзекті мәселелерін талқылады. Атап айтқанда, сауда-экономикалық ықпалдастық, қаржы саласындағы интеграция, сондай-ақ жаһандық тұрақсыздық жағдайындағы макроэкономикалық саясатты үйлестіру мәселелеріне баса назар аударылды.
«Қазақстан ШЫҰ шеңберіндегі ынтымақтастықты маңызды стратегиялық басымдық ретінде қарастырады және негізгі бағыттар бойынша өзара тиімді әріптестікті белсенді дамытуға мүдделі», деді ҚР Қаржы министрі Мәди Такиев.
Кездесу аясында министр Мәди Такиев Қытай Халық Республикасының Қаржы министрі Лан Фоанмен екіжақты келіссөздер өткізген. Тараптар халықаралық қаржы нарығындағы қазіргі ахуалды талқылап, Қазақстан мен Қытай арасындағы қаржы-экономикалық серіктестікті одан әрі кеңейту мәселелерін пысықтады.
