Фото: primeminister.kz
«ADCB» Ислам Банкі – Қазақстан мен ТМД елдерінде ашылған алғашқы ислам банкі. 2010 жылы Қазақстан Республикасы мен Біріккен Араб Әмірліктері арасындағы үкіметаралық келісімге сәйкес құрылған. 15 жыл ішінде банк еліміздегі жобаларды $3 млрд-тан астам сомаға қаржыландырған. Бұлардың ең ірісі – Атырау облысындағы жылына 1,25 млн тонна полиэтилен өндіретін зауыт құрылысы (Silleno жобасы), АМӨЗ және ПМХЗ-да сутегі мен азот өндіретін қондырғылар, құрылыс саласындағы темір жол инфрақұрылымын жаңғырту жобалары және тағы басқалар.
«Даму» қорымен жұмыс шеңберінде банк экономиканың басым секторындағы кәсіпкерлерді қолдауға 25 млрд теңге бөлді. Қордың басқарма төрағасы Фархат Сәрсековтің айтуынша, бизнестің исламдық қаржыландыру құралына деген қызығушылығы жоғары.
Кездесу барысында қатысушылар ынтымақтастықтың алдағы перспективасын, оның ішінде ислам банкингінің Қазақстанның салық заңнамасымен өзара іс-қимыл мәселесін талқылады. Банк өкілдері отандық жобаларды қаржыландыру көлемін ұлғайту жоспары туралы хабарлады.
Серік Жұманғарин агроөнеркәсіптік кешенді, әсіресе мал шаруашылығына инвестиция салуды ең перспективалық жобаның бірі ретінде қарастыруды ұсынды. Қазақстан Таяу Шығыс елдерінің премиум сапалы өнімге деген жоғары сұранысына сай ет экспортын тұрақты түрде арттырып келеді.
