Қазақстандық боксшы бірнеше айдан бері WBC нұсқасы бойынша әлем чемпионы, доминикандық Карлос Адамеспен әлеуметтік желілерде келіспеушілік жүргізіп келеді.
Алимханұлының айтуынша, ол чемпионмен жұдырықтасу идеясынан бас тартуға дайын, себебі биыл екінші жекпе-жегін өткізгісі келеді.
«Мен АҚШ-қа ұшып бара жатырмын. Қараша айында жекпе-жекке дайын боламын! Адаместің мүмкіндігі аз қалды. Егер ол келіспесе, мен белбеулерімді басқа боксшылармен қорғаймын! Сондықтан оған және оның менеджерлеріне айтарым: уақыттарыңыз таусылып жатыр!», деп жазды Жәнібек әлеуметтік желіде.
Еске салсақ, биыл Жәнібек Алимханұлы екі белбеуін бір рет қорғап үлгерді – сәуір айында Астанада өткен турнирде француз боксшысы Анауэль Нгамиссенге нокаутпен жеңілген болатын.
Одан кейін қазақстандық боксшы дивизион чемпиондарының бірімен үш титул үшін жекпе-жек өткізгісі келетінін бірнеше рет айтқан.
