Ержан сол күнгі демалысын пайдаланып, ауыл шетіндегі жағажайда отбасы мүшелерімен бірге дем алып жатады. Кенет ол ышқына айғайлап, көмек сұраған дауысты естиді. Көлдің ортасында жүзу білмейтін орта жастағы адам мен жас бала судан бастары бір шығып, бір кіріп батып бара жатады. Көмек сұрап шырқыраған соның әйелі екен.
Ержан Қазиев еш ойланбастан суға қойып кетіп, жедел жүзіп барып, алдымен мектеп жасындағы баланы таяз жерге шығарып, сосын жүзу білмесе де әрі масаң күйінде болса да судың тереңіне ұмтылған еркекті шашынан сүйреп судың жиегіне шығарған.
Сөйтіп майор жұмыс уақытынан тыс, демалыста жүрсе де міндетінен айнымай екі адамды ажалдан алып қалды.
Солтүстік Қазақстан облысы
