Сурет: nu.edu.kz
Басқосуға Назарбаев университетінен бөлек, Нархоз университетінен, БҰҰ Балалар қорынан, ЮНЕСКО-ның Алматы қаласындағы өңірлік кеңсесінен, БҰҰ Даму бағдарламасынан, елдегі Фридрих-Эберт қорынан, басқа да халықаралық, мемлекеттік ұйымдардан қонақтар келді. Баяндамашылар тақырыпқа қатысты өзекті пікірлерін, ұсыныстарын айтты. Соның ішінде Nazarbayev university-дің тұрақты даму жөніндегі директоры, профессор Қанат Байғарин климаттық өзгерістерге қатысты нақты шешім қабылдайтын кезең әлдеқашан жеткенін алға тартты.
– 1990 жылға дейін-ақ ғалымдар жер шарында климаттық өзгерістер байқалып жатқанын мәлімдеді. Содан он жылда ғылыми зерттеу жұмыстарын жүргізіп, жаһандық климаттық өзгерістердің шын мәнінде болып жатқанын растады. Осыдан кейін адамзат климаттық өзгерістерді халықаралық деңгейде талқылай бастады. Биыл климаттық өзгерістерге қатысты COP-30 халықаралық конференциясы өткелі отыр. Осы іс-шара арқылы аталған тақырып халықаралық деңгейде талқыланып келеді. Біз осы тақырыпты тек айтумен шектелмеуіміз керек. Мемлекет басшысының тапсырмасымен ірі халықаралық іс-шараларға ел атынан талай қатыстым. Енді сөзден іске көшетін кез келді. Жастар осыны түсінсе екен деймін, – деді Қ.Байғарин.
Конференция қорытындысында ел жастарының атынан Жастардың климат жөнінде ұлттық мәлімдемесі әзірленеді. Ол құжат COP-30 конференциясында жарияланады.
