Ауыл шаруашылығы саласында 2025 жылғы 8 айдың қорытындысында жалпы өнім 3,4%-ға артты. Шамамен 3,6 трлн теңге. 9 айдағы болжаммен тағы 2,3%-ға өсуге тиіс. Өсу динамикасы мал шаруашылығы (+3,2%, 2,26 трлн теңге) мен өсімдік шаруашылығында жоғары (+4%, 1,25 трлн теңге). Бұдан кейін қазан айында дәнді, майлы және басқа да дақылды жинаудың жалпы есебінен де өнім көлемі артуға тиіс.
Қайта өңдеу және тамақ өнеркәсібінде азық-түлік өндірісі 8 айда 10,1%-ға (2,5 трлн теңгеге жетті), сусын өндірісі 7,1%-ға (813 млрд теңге) өсті.
Бұл бағытта көрсеткіштің жақсаруына қант (24%-ға, 122,8 мың тоннаға дейін), ет консервісі (29,7%-ға, 5,8 мың тоннаға дейін), өсімдік майы (27%-ға, 595 мың тоннаға дейін), шұжық өнімі (8,8%-ға, 51,2 мың тоннаға дейін), сары май (15%-ға, 25,2 мың тоннаға дейін) өндірісінің артуы септігін тигізді. Енді 9 айдың қорытындысында азық-түлік өндірісі 10,9%-ға, сусындар 7%-ға өседі деп болжанып отыр.
Тау-кен өнеркәсібі саласында да өнімді жұмыс жүргізілуде. Қаңтар–тамыз айлары аралығында 67,4 млн тонна мұнай өндірілді Бұл былтырғы жылдың сегіз айымен салыстырғанда 13,4%-ға жоғары. Теңізде мұнай өндіру ісінде де айтарлықтай өсуі байқалады. Қарашығанақта осы уақыт ішінде 8,38 млн тонна (+4,6%) өндірілді. Қашағанда өндіріс 1,9%-ға, 12,16 млн тоннаға дейін төмендеді. Өндірістің төмендеуіне жөндеу жұмысы айтарлықтай әсер еткен.
Биылғы 9 айда мұнай өндіру 75,6 млн тоннаға (+13%), ал газ өндіру – 51,6 млрд текше метрге (+17%) жетуге тиіс. Газ өндіру 2025 жылға арналған жоспарда – 62,8 млрд текше метр (+6,4%). Сегіз айдағы мұнай өңдеу 12,2 млн тонна (+5,6%), қыркүйектің соңына қарай 14 млн тонна (+5,9%) болуға тиіс. Мұнай өнімін өндіру сегіз айда – 10,2 млн тонна (+8,7%), бір жылда – 13,7 млн тоннаға жетуі керек. Мұнай-газ химиясы: 418,9 мың тонна (+5%), бір жылға болжам – 590 мың тонна (+9,3%).
Сауда-саттық саласында да оң өсім байқалды. 8 айдағы сауда 8,9%-ға өсіп, 44,9 трлн теңгені құрады. Бұл өткен жылмен салыстырғанда 14%-ға жоғары. Негізгі үлес Алматы (15,5 трлн теңге), Астана (6,6 трлн), Атырау (4,8 трлн), Қарағанды (2,8 трлн) облыстары және Шымкент (2,2 трлн) қалаларына тиесілі. Өсу негізінен көтерме сауда есебінен қамтамасыз етілді (+3,5 трлн теңге, өткен жылға 109,8%). Оның шінде азық-түлікке жатпайтын тауардың үлесі 80%-дан 82%-ға дейін өсті (мұнай және мұнай өнімдері, фармацевтика, металлургия, техника, автокөлік). Азық-түлік тауарының үлесі 18% (астық, майлар, тамақ өнімі, сусын).
Бөлшек саудада құрылым сақталды: 68% азық-түлікке жатпайтын тауардан (+1,4 трлн), 32% – азық-түлік тауарынан (+0,6 трлн) түсім болған.
Көлік және логистика, оның ішінде көлік саласы экономика жай-күйінің дәлме-дәл көрсеткіші іспетті. Қаңтар-тамызда көлік және қойма саласында көрсетілген қызмет көлемі 21,5%-ға артқан. Биылғы 9 айға болжамда – 21,6%-ға өспек. Тау-кен-металлургия, мұнай-газ, аграрлық, құрылыс және сауда секторында жүк тасымалының қарқын алу көрсеткіштің жақсаруына әсер етті.
Қыркүйектің соңына дейін, яғни биылғы 9 айда жолаушы тасымалы +7,8% (1,36 млрд адам) болуы мүмкін. Жүк жөнелтудегі өсімге ERG (+3%), Богатырь Көмір (+2%), МӨЗ (+3%), Qarmet (+11%), Kaz Minerals (+1%) сынды іргелі кәсіпорындар орасан үлес қосты.
Өңдеу өнеркәсібінде қаңтар-тамыз аралығындағы өсу көрсеткіші – 6,1%. Металлургия, машина жасау, химия, жеңіл өнеркәсіп, құрылыс материалы, резеңке-пластикалық бұйым, жиһаз өндірісінде оң динамика сақталуда.
Құрылыс өрісінде биылғы қаңтар-тамыз айлары аралығында 4,8 трлн теңгенің жұмысы орындалды (НКИ 118,1%). 9 айға болжам – 17,7%-ға жету.
Штаб отырысының қорытындысында Серік Жұманғарин таяу кезеңдегі барлық салалардың негізгі міндеті микроэкономиканы нығайту екенін атап өтті. Яғни өсу қарқынының төмендеуіне жол бермеу үшін саладағы әрбір кәсіпорынның мәселелерін дер уақытында оңтайлы шешу қажеттігін ескертті.
