Сонымен бірге шаһар шаруалары майлы дақылдан да жақсы өнімге қол жеткізді. Өткен жылдармен салыстырғанда биылғы гектар берекелілігі әжептеуір болды дейді диқандар. Әсіресе мақсары биыл жылдағыдан көбірек өнім берді.
Мұның барлығы фермерлер айтып өткендей ерте көктемдегі ылғалды тиімді пайдаланудың нәтижесінде мүмкін болды. Шымкент қаласының ауыл шаруашылығы және ветеринария басқармасының мәлімдеуінше көктемгі егіс науқанында мегаполис аумағындағы 23 мың гектар алқапқа ауыл шаруашылығы дақылдары егілді. Олар негізінен арпа, бидай мен майлы дақылдар.
Жалпы 2025 жылы 10.9 мың гектар ауыл шаруашылығы мақсатындағы жерге дәнді дақылдар егілді. Оның 10.3 мың гектары бидай алқабы болса, қалған 0.6 мың гектары арпа егістігі. Ал бүгінге дейін жиналған жалпы ауыл шаруашылығы өнімдері 66 мың тоннаны құрап отыр.
