Шымкент • Бүгін, 08:10
Ірі ұшақтарға қызмет көрсетеді
Шымкент қаласының халықаралық әуежайында «Scat MRO» авиациялық-техникалық орталығының құрылысы қарқынды жүргізіліп жатыр. Бұл Орталық Азиядағы әуе кемелеріне техникалық қызмет көрсетіп, жөндеу жұмыстарын жүзеге асыратын бірегей кешен болмақ.
Шымкент • Бүгін, 08:07
Мемлекеттік рәміздер асқақтаған күн
Мемлекеттік рәміздер күніне орай Шымкент қаласында Ту көтеру рәсімі өтті. Аталған іс-шараға қала әкімі Ғабит Сыздықбековпен бірге депутаттар, зиялы қауым өкілдері, ардагерлер мен жастар қатысты. «Ту тұғыры» алаңында өткен салтанатты жиында Мемлекеттік әнұран шырқалды. Жиналған көпшілікке мемлекеттік рәміздердің маңыздылығы мен мән-мазмұны кеңінен баяндалды. Студент жастар сап түзеп, рәміздерге деген құрметін білдірді. Патриоттық әндер шырқалып, мерекелік жиын думанды концертке ұласты.
Шымкент • 05 Маусым, 2026
«Шымкентцементтің» өніміне шетел де қызығады
«Шымкентцемент» серіктестігі 1958 жылы құрылған. Нысан мегаполистегі алғашқы кәсіпорындардың бірі саналады. Сондай-ақ шаһардағы ірі өндіріс орындарының қатарына кіреді. Зауыт ішкі нарықты цемент өнімдерімен қамтамасыз етіп отыр. Жылына 1,3 млн тонна түрлі маркадағы цемент шығарады.
Шымкент • 05 Маусым, 2026
Құрылыс саласын ауқымды өзгеріс күтіп тұр
Шымкенттегі «Көрме орталығында» «Aqqala Build Shymkent 2026» халықаралық B2B құрылыс форумы мен көрмесі өтті. Оған шетелдік және отандық құрылыс компанияларының өкілдері, құрылыс материалдарын өндіруші кәсіпорындар қатысты. Сондай-ақ мемлекеттік органдар өкілдері, инвесторлар, сәулетшілер мен құрылыс материалдарын жеткізуші мекемелердің қызметкерлері шақырылды.
Балалар • 04 Маусым, 2026
Балалар мерекесіндегі шаттық күй
1 маусым – Халықаралық балаларды қорғау күніне орай Шымкенттегі Орталық саябақта «Бақытты шақ» атты мерекелік іс-шара өтті. Оған қаладағы түрлі шығармашылық орталықтың өнерпаз оқушылары қатысты. Алдымен қонақтарға фотокөрме мен мольберттегі сурет көрмесі, үрмелі аспаптар оркестрінің салтанатты шеруі және домбырашылар оркестрінің концерті ұсынылды. «Ұлттық өнер – ұрпаққа мұра» атты тақырыпта жас қолөнершілердің шеберлігі көрсетілді. Жеткіншектер саз балшықтан құмыра, ағаш, былғарыдан бұйымдар, қағаздан көркем туындылар, сымтемірден шағын мүсіндер жасады. Сондай-ақ келушілерге қуыршақ дайындау әдісі мен ұлттық үстел ойындары таныстырылды. Қысқасы, мерекелік іс-шара барысында балалар көтеріңкі көңіл күймен жұртшылыққа өз өнерлерін тарту етті. Ұйымдастырушылардың айтуынша, Халықаралық балалар күнін атап өтудегі мақсат – өрендердің таным-түсінігін кеңейтіп, рухани қолдау көрсетіп, сондай-ақ жас ұрпақты патриоттыққа, отансүйгіштікке тәрбиелеп, оларға ұлттық құндылықтарды дәріптеу.
Аймақтар • 18 Мамыр, 2026
«Бір белдеу – бір жол»: Әуезов университетінде Қытай орталығы ашылды
М.Әуезов атындағы Оңтүстік Қазақстан университетінде «Бір белдеу – бір жол» бизнес-орта қызметтерін дамыту жөніндегі Қытай орталығы ашылды, деп хабарлайды Egemen.kz.
Экология • 23 Сәуір, 2026
RES 2026 халықаралық саммиті: Әуезов университеті ғалымдарының экологиялық жобалары таныстырылды
Астанада бірқатар ел басшыларының қатысуымен өткен Өңірлік экологиялық RES 2026 саммиті аясында жасыл технологиялар көрмесі ұйымдастырылып, онда М. Әуезов атындағы Оңтүстік Қазақстан университетінің ғалымдары өздерінің бірегей ғылыми жобаларын ұсынды. Ауқымды жиын экологиялық қауіпсіздікті қамтамасыз ету, табиғи ресурстарды тиімді пайдалану және жасыл энергетиканы дамыту мәселелерін талқылауға арналды, деп жазады Egemen.kz.
Заң мен Тәртіп • 17 Сәуір, 2026
Құқықтық сауатты арттыратын алаң
Азаматтардың құқықтық сауатын арттыру, мемлекеттік қызметтерге қолжетімділікті жеңілдету – маңызды істің бірі. Осы мақсатқа орай Шымкент қаласында «Құқық кабинеті» жобасы жүзеге асырылып келеді. Бұл бастама тұрғындарға тегін заңгерлік көмек көрсетіп, құқықтық ақпараттың ашықтығын қамтамасыз етудің тиімді құралы болып отыр.
Форум • 28 Наурыз, 2026
«Digital Qazaqstan 2026»: Жаңашылдық пен ықпалдастық алаңы
Еліміз цифрлық экономиканы дамытуда жасанды интеллектіні кеңінен енгізуге басымдық беріп отыр. Бұл бағыттағы жаңа шешімдер мен бастамалар Шымкентте өткен «Digital Qazaqstan 2026» форумында таныстырылып, технологиялық инфрақұрылым, адам капиталы мен инновациялық кәсіпкерлікті қолдау тетіктері сараланды. Жиында ұсынылған жобалар елдің цифрлық экожүйесі кезең-кезеңімен қалыптасып келе жатқанын көрсетті.
Дәстүр • 21 Наурыз, 2026
Шымкентте республикалық «Жарапазан Fest» байқауы өтті. Еліміздің әр өңірінен командалар келіп қатысты. Өнер ұжымдары өз аймақтарының мақамымен Жарапазан жырын орындап берді.
