Сурет: kstnews.kz
Оқуымды ойдағыдай аяқтап, «Kia» зауытына инженер болып жұмысқа кірдім. Өз басым осындай әлемдік беделге ие автокөлік өндірісінде жұмыс істеу екінің бірінің маңдайына бұйырмаған бақ деп білемін. Бұл жерде автоөндіріс әлеміндегі ең озық тәжірибені үйреніп, жаңа технологияларды игеріп жатырмыз.
Жалпы, кеше ғана оқу бітірген кез келген жас түлек жалақысы жақсы жұмыс тапқысы келеді. Еткен еңбегіне қарай лайықты табыс тауып, отбасын құрып, үй алғысы келеді. Әрі қарай өсіп-өнгісі келеді. Мен қазіргі жастарға осы керектердің бәрі табылып жатқанына қуанамын. Ең бастысы – мақсат қою керек, сол мақсатқа жету үшін талаптану керек.
Осы орайда, Президентіміздің тікелей қолдауымен іске қосылған бұл зауытты жастардың, болашақтың зауыты дер едім. Сондықтан өзіме жүктелген жұмысымды адал атқарып, ел дамуына барынша үлес қосуды парыз санаймын.
Әмір Қараев,
«Кia Qazaqstan» зауытының инженері
