Аталған жарыстың негізгі бөлігінде «Қайрат» Косовоның «Приштинасымен» күш сынасты. Бұл бәсеке 4:1 есебімен жерлестеріміздің пайдасына шешілді. Алматылықтардың сапынан Біржан Оразов дубль авторы атанса, Кевин Аррьета мен Атирсон бір-бір голдан соқты. Осыған дейін жерлестеріміз Хорватияның «Ново Вриемесін» (3:2) ұтып, Португалияның «Спортингіне» (2:7) есе жіберді. Нәтижесінде алты ұпайды еншілеген «Қайрат» өз тобында екінші орын алды.
«Семей» Чехияның «Хрудимін» (9:5) жеңгенімен, Францияның «Этуальі» (3:4) мен Испанияның «Пальмасына» (4:7) жол берді. Топтық турнирде үш ұпайды қанағат тұтқан жерлестеріміз үшінші орынды иеленді. Десек те, осы нәтиженің өзі семейліктерге плей-оффқа шығу үшін жеткілікті болды.
