• 08 Тамыз, 2015

Ақпарат ағындары

370 рет

көрсетілді

2 мин

оқу үшін

Egemen Qazaqstan

«Қазақстанның Тұрғын үй құрылыс жинақ банкі» АҚ қыркүйекте тұрғын үйге қатысты өтініштерін қабылдауды бастайды. Бұған «Халықтың барлық санатына арналған тұрғын үй» бағыты бойынша ІІ топтың талаптарына сәйкес келетін тұлғалар қатыса алады.
Алматыда Шекара қызметі академиясының жаңа оқу нысанының іргетасы қаланды. Оқу бекеті болашақта ҚР ҰҚК Шекара қызметімен Қырғызстан, Тәжікстан және Ауғанстан мемлекеті үшін шекарадағы бақылау-өткізу бекеттерінде қызмет атқаратын кәсіпқой офицерлерді даярлауға пайдаланылады. Айта кетейік, жоспар бойынша құрылыс биылғы жылдың қазан айында аяқталады.
Қарағанды облысының Теміртау қаласында металл бұйымдарын шығаратын цех іске қосылды. Жобаның құны 302,1 млн. теңгені құрайды. Сондай-ақ, цехта жаңадан 20 жұмыс орны ашылды.
Ақтөбеде 2015-2017 жылдары жалпы сомасы 9,3 млрд. теңгені құрайтын 10 жоба іске қосылады. Сонымен қатар, биыл 5,1 млрд. теңгеге 5 жобаны аяқтау және олардың базасында 220 жаңа жұмыс орнын құру жоспарланып отыр.
Батыс Қазақстан облысында агроөнеркәсіп кешенін дамытуға 2 млрд. 450 млн. теңге қаралды. Бұл қаражаттың 7 млрд. 258,5 млн. теңгесі агроөнеркәсіп кешенін дамытуға және азық-түліктік, ветеринариялық, фитосанитариялық қауіпсіздікті қамтамасыз етуге қарастырылған.
Атырау облысында Астрахань–Маңғыстау су құбырының жұмысы қайта жанданды. «ҚазТрансОйл» АҚ-тың хабарлауынша, енді аталған құбыр арқылы ауызсу тұрғындарға қалыпты технологиялық режімде жеткізілетін болады.
Петропавлда алдағы оқу жылы қарсаңында 36 мектепке жаңа оқулықтар сатып алу үшін қалалық және республикалық бюджеттен 156 млн. теңге бөлінді. Сонымен қатар, білім бөлімі 14 баспаханамен келісімдер орнатып, қаладағы мектептерді 100 пайыз оқулықпен қамтуға қол жеткізді.