Иран елдің астанасын ауыстыруы мүмкін

АСТАНА. 8 тамыз. Иранда астананы Тегераннан басқа қалаға көшіру туралы мәселе қызу талқыланып жатыр. Бұл туралы ras.kz хабарлады. Бұдан бұрын, 2013 жылғы желтоқсанда елдің парламенті аталған мәселені талқылаған болатын. Сонда 110 депутат астананы көшіру идеясын қолдаса, 97 адам қарсы шыққан еді. Алайда, сол уақыттан бері бұл мәселе қайтадан көтерілмей қалған. Иран сыртқы істер министрі Абдолреза Рахмани Фазли журналистерге 20 жылдан бері сөз болып келе жатқан астананы көшіру идеясын президент Роуханидің қолдайтынын айтты. «Заң шығарушылар астананы Тегераннан басқа жерге көшіру жөніндегі ұсынысты қолдады. Әзірге жобаның қаржылық мүмкіндігі анықталған жоқ», – деді Рахмани Фазли. Ал Иранның парламент істері жөніндегі вице-президенті Маджид Ансари бұл идеяны өміршең емес деп есептейді. Ол қаржылай қиындықтар салдарынан Тегераннан барлық мемлекеттік мекемелер мен коммерциялық орталықтарды көшірудің мүмкін болмайтын алға тартады. Айта кетейік, бір өзінде 8,3 млн., айналасында 14 млн. халық тұратын Тегеран Орта Шығыстағы ең ірі қала болып табылады. Талғат Райымбек. Дерек, сурет: ras.kz.