«Клуб директоры Минск қаласына барып, бас бапкермен келіссөз жүргізді. Кездесу нәтижесінде тараптар алдағы маусымды бірге бастауға келісімге келді. Бас бапкер Виталий Жуковский «Атырау» футбол клубымен келісімшартты ұзартты», деп хабарлады клубтың баспасөз қызметі.
Беларусь маманы бұл команда тізгінін бірнеше рет ұстады. Алдымен 2022 жылғы маусым ортасында мұнайлы өңірдегі футбол клубына бас бапкер болған еді.
Ал 2024 жылы «Атырауды» Қазақстан Кубогының финалына шығарды. Өткен маусымда командаға қайта оралып, клубтың Премьер-лигадағы орнын сақтап қалуына үлесін қосты.
