Сонымен қатар, Ерімбетжаға ауылын орталықтандырылған су құбыры желісіне қосу жұмыстары да аяқталуға жақындады.
Осыған дейін бұл ауылдағылар ауыз суды жер асты құдықтарынан алып, кейбірі шалғай орналасқан елді мекендерден тасып келген. Аталған жобалардың іске асырылуы үйлерді орталықтандырылған су жүйесіне қосуға мүмкіндік беріп, тұрғындардың өмір сапасын арттырып, өңір инфрақұрылымының одан әрі дамуы мен жаңғыртылуын қамтамасыз етпек. Құрылыс жұмыстарын жыл соңына дейін аяқтау жоспарланып отыр.
Ауданда бүгінде мемлекетке қайтарылған активтер есебінен денсаулық сақтау және сумен жабдықтау бойынша алты әлеуметтік нысан салынып, құрылыс пен қаражаттың мақсатты жұмсалуы прокуратураның тұрақты бақылауында тұр.
