Фото: gov.kz
«Қайтыс болғаннан кейінгі донорлардан жасалған трансплантаттау саны өткен жылмен салыстырғанда 2,6 есеге артты, ал биылғы донорлардың саны 10 айдың қорытындысы бойынша екі есеге (6-дан 16-ға дейін) артты. eGov.kz сайтындағы азаматтардың жалпы ерікті ниет білдіру көрсеткіші 27%-ға өсті, ал келісім үлесі 63%-ға жетті», деді Республикалық трансплантаттауды және жоғары технологиялық медициналық қызметтерді үйлестіру орталығының басшысы Айдар Сейітқазинов.
2024 жылмен салыстырғанда қайтыс болғаннан кейінгі донорлардан жасалатын трансплантаттаулар саны екі есеге көбейді, тірі донорлардан жасалатын операциялар саны 2,5%-ға артты.
Операциялық белсенділіктің өсіміне инфрақұрылымның кеңеюі ықпал етті. Елде былтырғы 7 орталықтың орнына бүгінде 11 трансплантаттау орталығы жұмыс істейді.
Бүгінде 4521 Қазақстан азаматтары ағза ауыстыруды күтіп келеді, күту парағындағы пациенттердің арасындағы өлім 4,6%-ға төмендеді.
Сондай-ақ донорлық белсенділіктің ең жоғары көрсеткіші Алматы мен Астана қалаларында, Павлодар, Шығыс Қазақстан, Солтүстік Қазақстан, Алматы, Жамбыл және Батыс Қазақстан облыстарында байқалды.
Айта кетейік, Алматыда қайтыс болған донор 4 адамның өмірін сақтап қалған еді.
