Фото: Ауыл шаруашылығы министрлігі
Торанғалық ауылы аумағынан көп жыл пайдаланылмаған 0,5 гектар жер телімі анықталған. Аумақ кәсіпкерге демалыс аймағын абаттандыру және туристік қызметтер көрсету үшін берілген екен.
Жерді игеру туралы кәсіпкерге берілген нұсқама орындалмаған. Департамент кәсіпкерге айыппұл салып, жер учаскесін мәжбүрлі түрде алып қою туралы талаппен сотқа жүгінді.
Облыстың мамандандырылған ауданаралық экономикалық соты ЖРБД талаптарын толық қанағаттандырып, жер телімін мәжбүрлеп алып қою және оны кейіннен сауда-саттыққа (аукционға) қою туралы шешім қабылдады.
Сот шешімі заңды күшіне енді.
