Фото: Ашық дереккөз
Прокуратураның мәліметінше, сот күдіктіні қамауға алуға санкция берген. Ал өзге ақпарат жария етілмейді.
«Қостанай облысы бойынша ДКҚБ (ДКНБ) қызметкерлері қызметтік өкілеттікті асыра пайдалану фактісі бойынша тергеу жүргізу барысында денсаулық сақтау басқармасы басшысының орынбасары Доспанов Е.-ні ұстады», делінген облыстық прокуратура хабарламасында.
35 жастағы Ерболат Доспанов әр жылдары Қостанай қалалық жедел медициналық жәрдем станциясында экономист, аталған қала емханасында бухгалтер, Қостанай облысы денсаулық сақтау басқармасында әртүрлі лауазымды қызметтер атқарған.
2020 жылы ол облыстық денсаулық сақтау басқармасы басшысының орынбасары болып тағайындалған. 2024 жылы Қостанай облыстық фтизиопульмонология орталығында экономика және әкімшілік-шаруашылық жұмысы жөніндегі бас дәрігердің орынбасары болды. Кейін облыстық экономика және бюджеттік жоспарлау басқармасы басшысының орынбасары лауазымын атқарды. 2024 жылы қайтадан Қостанай облысы денсаулық сақтау басқармасы басшысының орынбасары қызметіне оралған.
