Сурет: ortcom.kz
«Тауарлардың шығуын растаудың бұрынғы механизмімен салыстырғандағы тізілімнің басты айырмашылығы – барлық үдеріс толық цифрландырылған. Өтініштерді беру, оларды тексеру және шешім қабылдау толығымен онлайн режімде жүзеге асырылады, бұл барлық кезеңде ашықтық пен бақылауды қамтамасыз етеді», деді Өнеркәсіп және құрылыс министрі Ерсайын Нағаспаев.
Екіншіден, үдеріс бюрократиядан арылады. Жүйе басқа мемлекеттік базалармен интеграцияланып, құжаттар санын қысқартуға, бизнеске түсетін әкімшілік жүктемені төмендетуге мүмкіндік береді. Үшіншіден, бұл қызметті мемлекеттік органдар жеке аудиторлар мен сарапшылардың қатысуынсыз тегін көрсетеді.
Министр жаңа жүйеге тиімді өту үшін бұрын отандық өндірушілер мәртебесін растаған 1800-ден аса индустриялық сертификаттардың иелері аталған тізілімге автоматты түрде ауыстырылғанын атап өтті. Бұл компаниялар бір ай ішінде жүйеде қажетті мәліметтерді толықтырып, өтінімді ЭЦҚ арқылы растауы қажет. Қазір жаңа платформаға мыңға жуық компания тіркелген.
