Трамптың айтуынша, операция АҚШ құқық қорғау органдарының қатысуымен жүзеге асқан. Ол бұл туралы Truth Social әлеуметтік желісінде жазып, толық ақпаратты Флорида штатындағы Мар-а-Лаго резиденциясында өтетін баспасөз мәслихатында жариялайтынын айтты.
CBS News дерегінше, Мадуроны ұстау операциясын АҚШ армиясының арнайы жасақтағы Delta Force бөлімшесі жүргізген.
Сонымен қатар Венесуэла вице-президенті Делси Родригес мемлекеттік телеарна эфирінде Мадуро мен оның жұбайының қазіргі уақытта қайда екенін білмейтінін мәлімдеді. Ал АҚШ Мемлекеттік департаменті Мадуроның қылмыстары үшін жауап беретінін хабарлады.
Бұған дейін Каракаста жарылыстар тіркеліп, АҚШ Венесуэла аумағындағы бірқатар әскери нысандарға соққы жасағаны хабарланған. Венесуэла билігі бұл әрекеттерді әскери агрессия деп бағалап, елде төтенше жағдай режимін енгізді.
АҚШ-тың әрекеттерін Куба, Иран және Колумбия сынға алды. Колумбия президенті Густаво Петро БҰҰ мен Америка мемлекеттері ұйымын шұғыл отырыс өткізуге шақырды.
