Сурет ашық дереккөзден алынды
AGCL деп аталатын жаңа материал дәстүрлі дәке мен медициналық губка әсер ете алмайтын қатты қан кететін жараларға арналған. Ғалымдар мұны операция кезінде, табиғи апат аймақтарында, далалық медицинада қолдануға болады дейді. Ұнтақ табиғи, биологиялық тұрғыдан үйлесімді құрамнан тұрады. Альгинат пен геллан камеді қандағы кальциймен жанасқанда бірден тығыз гидрогельге айналып, жараны физикалық түрде бітейді. Соның нәтижесінде жара бетінде қысымға төтеп беретін қорғаныш қабаты түзіледі. Зертханалық сынақта AGCL өз салмағынан жеті есе көп қанды сіңірген. Тағы бір артықшылығы, материал бөлме температурасында, ылғалды ортада екі жылға дейін қасиетін жоғалтпай сақталады.
