Қастеев музейі қайта жаңғырды

Жөндеу жұмысы­мен қатар тағылым орда­сындағы бір­қатар экспозиция толыға түс­кен. Көрерменге бұрыннан таныс отандық және әлем­дік өнер жауһарларымен бірге жаңа бө­лімдер ұсынылды. Атап айт­сақ, график-суретші Евгений Си­дор­киннің шығармалар көрме­сі, «Қазақ өнеріндегі әйел бей­не­сі» экспозициясы, еліміздің тә­уел­сіздік кезеңіндегі өнер бө­лімі, сон­дай-ақ ХХ ғасырдың соңы – ХХІ ғасырдың басындағы шетелдік өнердің жаңа туындыларына ар­налған бөлім бар. Нәтижесінде, елдегі басты көркем галерея заманауи халықаралық стандарттарға сай, халықаралық деңгейдегі көрме жобаларын іске асыруға толық дайын екені айтылды.

Өнер ордасының қайта ашылуы музейдің 90 жылдығы мен 1976 жылдан бері орналасқан ғимараттың 50 жылдығымен тұс­па-тұс келіп отыр. Жаңғырту жобасы Мәдениет және ақпарат министрлігінің бастамасымен жүзеге асқан.

«Музей келушілерді жаңар­тылған кеңістікте тың экспози­ция­ларымен қарсы алады. Зал­­­дар­дың жаңа түстік шешімі бұ­­­рын­нан ­таныс экспонаттарды ­жаңа қырынан қабылдауға мүмкін­дік бермек. Алдағы уақытта да түр­лі жобалар мен көрмелерді, мәде­ни іс-шараларды ұйым­дас­ты­рып, ша­быт сыйлап, диалог пен шы­­­­­­­ғар­­машылыққа арналған ор­­та­лық ретіндегі қызметімізді жал­­­ғас­тыратын боламыз», дейді Ә.Қастеев музейі­нің ­бас­­­па­сөз қызметі.

Тарихы тереңде жатқан тағы­лым ордасы тәуелсіздік жылдарын­да сапалы даму кезеңіне аяқ бас­ты. Бейнелеу өнері саласында­ғы жетекші ғылыми-зерттеу және мәдени-ағарту орталығы ретінде елдегі ең бағалы үздік көркем­өнер топтамасына ие. Оның біре­гей коллекциясында 26 мың­нан астам ­экспонат бар. Музейде бей­­нелеу өнері шеберлерінің шы­­ғар­машылық мұрасымен қатар, ел мәдениеті мен тарихындағы ең ма­ңызды кезеңдер айшықталған.

Мұнда қазақ сурет өнерінің не­гізін қалаушы Әбілхан Қастеев­тің қазіргі заманғы шығарма­лары мен отандық өнер классик­тері Қанафия Телжанов пен Айша Ғалымбаеваның, Гүл­фай­рус Исмаилова мен Евгений Сидоркиннің, Салихитдин Айт­баев пен Сабыр Мәмбеевтің, Жанатай Шәрденов пен Сергей Калмыковтың бірегей қолтаң­басы сақталған. Отандық кес­кін­демеден өзге орыс және Батыс Еуропа кескіндемелерінің біре­гей туын­дыларын, Шығыс елдері­нің өнері мен қолданбалы сәндік шеберліктің үздік үлгілерін музей төрінде тұр.

Тұрақты экспозициялар заманауи талаптарға сай жабдық­та­лып, уақыт бедеріне сай цифр­лық шешімдер де көрініс таба бас­таған. Экспозицияларға тікелей жарық беру, мамандандырыл­ған аспалы жабдықтау, мульти-экспликацияларды орнату және QR-ақпараттық сүйемелдеу сынды заманауи технологиялар дәстүр мен инновациялардың үйлесімімен қойылды.

АЛМАТЫ