Фото: istockphoto.com
Ұлттық жоспардағы болжамдарға сүйенсек, инвестициялардың Жалпы ішкі өнімдегі үлесі қазіргі 14-15%-дан 2029 жылы 23%-ға дейін ұлғаяды. Нәтижесінде, негізгі капиталға салынатын қаржы ағыны 2024 жылғы деңгеймен салыстырғанда 2029 жылы 2,5 есеге артады деп күтіледі. Бұл ретте металлургия, мұнай химиясы, газ өндірісі мен фармацевтика салаларын ілгерілетуге басымдық берілмек.
Бүгінде мемлекет инвестор шақырумен ғана шектелмей, экономикалық өсудің проактивті саясатын енгізуге көшті. Ендігі кезекте Үкімет жергілікті бизнестің сұранысына сай «инвестицияға тапсырыс» қалыптастырып, жаңа өндірістерді өрістету үшін дайын технологиялары бар шетелдік серіктестерді тартуды қолға алады.
«Бұл саясаттың мәні – мемлекеттің тек инвесторларды шақыруымен ғана шектелетін модельден нақты инвестициялық жобаларды қалыптастыру мен іске қосуға мемлекеттің белсенді қатысуы моделіне көшу. Инвестиция тартудың бұл тәсілі экономика салаларының нақты қажеттіліктеріне бағытталған. Аталған жобаларды жүзеге асыру елдегі еңбек өнімділігінің орташа деңгейін арттырады, бұл «орта табыс тұзағын» еңсеру және жан басына шаққандағы жалпы ішкі өнімнің одан әрі өсу үшін қажет негізгі шарттардың бірі», деді Серік Жұманғарин.
