Фото: Видеодан алынған кадр
Ведомствоның хабарлауынша, тұрғын үйлерді қорғау мақсатында инертті материал салынған 1 500 қап төселген. Сонымен қатар арық тереңдетіліп, су арнайы каналға және шабындық алқаптарға бұрылған. Барлығы 1 178 текше метр су сорып шығарылған.
Салдарын жою жұмыстарына ТЖД мен жергілікті қызметтердің шамамен 320 маманы, 13 мотопомпа және 17 техника жұмылдырылған.
Бұған дейін Шығыс Қазақстан облысындағы Прапорщиково ауылы тұрғындары да алаңдаушылық білдірген. Көктемгі су деңгейінің көтерілуінен Ертіс өзеніне жақын орналасқан көшеде топырақ опырылып түсе бастаған.
Тұрғындар үйлердің өзенге құлап кетуінен қауіптенген еді. Кейін облыс әкімдігі жағдай бақылауда екенін айтып, мамандар жағалауды бекіту жұмыстарын жалғастырып жатқанын хабарлады.
