Фото: Ашық дереккөз
Оның айтуынша, Таяу Шығыстағы қақтығысқа қатысы жоқ бірқатар елдер АҚШ-тан өздерінің бұғазда тұрып қалған кемелерін шығарып беруді сұраған. Бұл кемелердің көпшілігі халықаралық саудамен айналысатын жүк тасымалдаушы кемелер.
Трамптың сөзінше, АҚШ бұл кемелер мен экипаждарды қауіпсіз түрде өткізу үшін барлық қажетті шараларды қабылдайды. Ол бұл бастаманы гуманитарлық қадам деп атап, оның мақсаты – адамдарды және компанияларды қиын жағдайдан шығару екенін айтты.
Сонымен қатар ол Иран тарапымен жүргізіліп жатқан келіссөздердің оң нәтиже беруі мүмкін екенін де атап өтті.
Дональд Трамп Иран ұсынған 14 шарттан тұратын жоспарға күмән келтірді
Алайда Дональд Трамп егер гуманитарлық процесс қандай да бір түрде бөгелетін болса, АҚШ күш қолдануға мәжбүр болатынын ескертті.
Бұған дейінгі мәліметтерге сәйкес, Ормұз бұғазында 600-ден астам ірі сауда кемесі қозғалыссыз қалған. Бұл жағдай жаһандық логистикаға да әсер етіп отыр.
Сонымен қатар сарапшылар Дональд Трамп саясатына қатысты қоғамдық қолдау деңгейі төмендегенін де атап өтуде.
