Әлемде 5 жануар адамды емдеуге қабілетті

Ғалымдар адамдарды емдеулері мүмкін хайуандар тізімін тізіп, «шипагер-жануарлар» бестігін анықтады. Зерттеушілердің пайымдауынша, көшті мысықтар бастаса, онан кейінгі орындарға иттер мен жыл­қылар, аралар мен жыландар жайғасқан. Зерттеу жұмыстарын жүргізуге әлемнің түкпір-түкпіріндегі елдердің ғалымдары қатысқан. Олар сонда мысық тектестердің невроз және депрессия сырқаттарын, сондай-ақ, ас қорыту жүйелерін емдеуге қабілетті екендеріне көз жеткізген. Тәжірибе жасаушылар осы ретте мысықтың жанында 20 минут жатқан адамның қан қысымы мен жүрек соғысының қалыпқа келетінін дәлелдейтін айғақтар келтіреді. Ал зерттеуші мамандар итті «тірі сканер» деп бағалап отыр. Себебі, төбеттер тіпті жаңа басталып келе жақтан қатерлі ісік ауруларының өзін анықтай алады екен. Психикалық ауытқушылықтары бар кі­сілердің жылқыны көбірек пайдаланғандары абзал. Оның үстіне жалаң мінген жандарға осы біраз шипа көрінеді. Атпен серуендеу аутист-балаларға да пайдалы болып шықты. Жыланның уы мен араның балы медицинада баяғыдан кеңінен қолданылады. Олар көп жағдайда ұмытшақтықпен және невралгиямен ауыратын адамдарға шипа береді. Сол сияқты аяқ-қолдары мен буындары сырқырайтындар, жел-құздары барлар пайдаланады. Талғат РАЙЫМБЕК.