Петропавлда 12 миллион теңгеге көлік нөмірлері сатылды

ПЕТРОПАВЛ. 28 наурыз. Солтүстік Қазақстан облысында жоғары сұранысқа ие мемлекеттік автокөлік нөмірлерін сатып алушылар қатары артып келеді. Бұл туралы облыстық ішкі істер департаментінің баспасөз қызметі хабарлады. Өткен жылы автокөлік иелері 23 VIP нөмір сатып алған. Ал жыл басынан бері сондай 20 нөмір сатылған. Бұдан бюджетке 12 млн. теңге аударылған. «Жүргізушілер тарапынан 555, 999, 111 нөмірлерін алуға өтініштер көп түседі», – дейді  әкімшілік полиция басқармасының өкілі Сергей Гизбрехт. Оның  айтуынша, 001, 002, 003, 004, 005, 006, 007, 008, 009, 777 нөмірлерінің бағасы 422 мың 256 теңге болса, 100, 111, 200, 222, 300, 400, 444, 500, 555, 600, 666, 700, 800, 888, 900, 999 нөмірлері 253 мың 724 теңге тұрады. Өмір Есқали. Дерек: Солтүстік Қазақстан облыстық ішкі істер департаментінің баспасөз қызметі. Сурет: kolesa.kz.