Фото: Үкімет, телеграм
Аймақ басшысының айтуынша, халықтың аз қозғалатын топтарының қажеттіліктері ескеріле отырып, құрылыс жұмыстарын 5 мердігер ұйым орындап жатыр, оған 120 жұмысшы жұмылдырылған.
Бүгінде 8 вокзал мен платформа бойынша мемлекеттік сараптаманың оң қорытындысы бар. Тағы 6 жоба сараптамадан өтіп жатыр. Олардың қорытындылары жоспарлы түрде шілде айында шығады. Қаржыландыру мәселесі толығымен шешіліп отыр.
«Жобаларды жүзеге асыру үдерісі тұрақты бақылауға алынған. «Қазақстан темір жолы» ұлттық компаниясымен бірлесіп, реконструкция барысында туындайтын мәселелерді жедел шешудеміз. Барлық нысандар бойынша құрылыс-монтаж жұмыстарын осы жылдың шілде айында аяқтауды жоспарлап отырмыз», деді облыс әкімі.
Бұдан бірер ай бұрын теміржол вокзалдарын жаңғырту қарқынын Үкімет басшысы сынға алғаны туралы хабарлаған едік.
