Жақында «Тұран-Астана» университеті G-Global алаңында «Мемлекеттік-жеке әріптестікті дамытудың мәселелері мен келешегі: корпоративті басқаруда басқарушылық технологияларды қолдану мүмкіндіктері» тақырыбындағы бейнеконференцияға қатысты. Қазақстанмен бірге, Болгария және Ресей жоғары оқу орындары қатысқан бұл жиынды Екатеринбург қаласындағы Урал экономикалық университеті экономика институтының өкілдері ұйымдастырды.
«G-Global» – бұл көпқызметті ғаламтор тұғырнамасы, оның шеңберінде әлемдік дамудың жаһандық мәселелерін талқылау үшін дүниежүзінің ғұламалары шоғырланған. Сондықтан, онлайн-конференцияда Қазақстан және әлем қауымдастығының зиялыларын кең ауқымды мәселелердің шешімін табумен айналысатын әлеуметтік желіге біріктіру мақсаты көзделді. Әлеуметтік-экономикалық, мәдени, демографиялық және басқа да мәселелер бойынша интерактивті, ашық пікірталастар өткізуге мүмкіндіктер берілді.
Бейнеконференцияны Урал мемлекеттік экономикалық университетінің ректоры, экономика ғылымдарының докторы, профессор М. Федоров ашып, ғылыми форумның қатысушыларын құттықтады. Ал «Тұран-Астана» университетінің оқу-әдістемелік және ғылыми жұмыстар бойынша проректоры, экономика ғылымдарының кандидаты, профессор М. Шайжанов «Қазақстан Республикасында мемлекеттік жеке әріптестіктің тетіктерін жетілдіру» тақырыбы төңірегінде сөз қозғады.
Шара соңында бейнеконференция қатысушылары қоғамның әлеуметтік және экономикалық мәселелерін талқылау үшін G-Global алаңын кеңінен қолданудың қажеттілігі мен тиімділігі туралы өз ой-пікірлерін білдірді.
Ләйла ЕДІЛҚЫЗЫ,
«Егемен Қазақстан».
«G-Global» – бұл көпқызметті ғаламтор тұғырнамасы, оның шеңберінде әлемдік дамудың жаһандық мәселелерін талқылау үшін дүниежүзінің ғұламалары шоғырланған. Сондықтан, онлайн-конференцияда Қазақстан және әлем қауымдастығының зиялыларын кең ауқымды мәселелердің шешімін табумен айналысатын әлеуметтік желіге біріктіру мақсаты көзделді. Әлеуметтік-экономикалық, мәдени, демографиялық және басқа да мәселелер бойынша интерактивті, ашық пікірталастар өткізуге мүмкіндіктер берілді.
Бейнеконференцияны Урал мемлекеттік экономикалық университетінің ректоры, экономика ғылымдарының докторы, профессор М. Федоров ашып, ғылыми форумның қатысушыларын құттықтады. Ал «Тұран-Астана» университетінің оқу-әдістемелік және ғылыми жұмыстар бойынша проректоры, экономика ғылымдарының кандидаты, профессор М. Шайжанов «Қазақстан Республикасында мемлекеттік жеке әріптестіктің тетіктерін жетілдіру» тақырыбы төңірегінде сөз қозғады.
Шара соңында бейнеконференция қатысушылары қоғамның әлеуметтік және экономикалық мәселелерін талқылау үшін G-Global алаңын кеңінен қолданудың қажеттілігі мен тиімділігі туралы өз ой-пікірлерін білдірді.
Ләйла ЕДІЛҚЫЗЫ,
«Егемен Қазақстан».
