Чемпиондар лигасы. Топтық сайысқа жолдама алған бес команда анықталды

АСТАНА. 26 тамыз. Өткен түнде УЕФА Чемпиондар лигасы іріктеу турнирінің плей-офф бәсекесі шеңберінде бес қарымта кездесу өтті. Бұл туралы egemen.kz хабарлады. Барлық ойын да аса тартысты болды. Нәтижесінде іріктеу турнирі арқылы Чемпиондар лигасының топтық сайысына жолдама алған алғашқы бес команда анықталды. Олар: «Динамо» (Загреб, Хорватия), «Маккаби» (Тель-Авив, Израиль), «Валенсия» (Валенсия, Испания), «Мальме» (Мальме, Швеция) және «Шахтер» (Донецк, Украина). Өткен түнде ойналған ойындардың нәтижелері төмендегідей: «Динамо» (Загреб, Хорватия) – «Скендербеу» (Корча, Албания) 4:1 (2:1), 2:1 Голдар: Эль-Араби Хиляль Судани 9, 80, Армин Ходжич 15, Жереми Таравель 55 – Эскердинья 10. «Маккаби» (Тель-Авив, Израиль) – «Базель» (Базель, Швейцария) 1:1 (1:1), 2:2 Голдар: Эран Захави 24 – Лука Зуффи 11. Монако (Монако, Франция) – «Валенсия» (Валенсия, Испания) 2:1 (1:1), 1:3 Голдар: Андреа Раджи 17, Ува Эчиджиле 75 – Альваро Негредо 4. «Мальме» (Мальме, Швеция) – «Селтик» (Глазго, Шотландия) 2:0 (1:0), 2:3 Голдар: Маркус Розенберг 23, Анга Дедрик Боята 54, автогол. «Шахтер» (Донецк, Украина) – «Рапид» (Вена, Австрия) 2:2 (2:2), 1:0 Голдар: Марлос 10, Александр Гладкий 27 – Луис Шауб 13, Штеффен Хофман 22. Бүгін іріктеу сайысы арқылы жарыстың финалдық кезеңіне шығатын қалған бес команда белгілі болады. Үміткерлердің қатарында «Астана» командасының да бар екені белгілі. Елордалықтар сырт алаңда Кипрдің АПОЕЛ командасымен қарымта кездесу өткізеді. Еламан Қоңыр. Дерек, сурет: egemen.kz.