ҚЫЗЫЛОРДА. 28 тамыз. Қызылорда облысы Арал ауданының Қосаман елді мекеніне қарасты Ақеспе ауылдық округінде жаңа мектеп ашылды. Бұл туралы egemen.kz тілшісі хабарлады.
50 орындық мектеп пен 20 орындық балабақшасы бар оқу орнында 40 орындық акт залы, асхана, кітапхана, спорт залы, 4 бастауыш сыныбы, 1 мультимедиалық кабинет, психолог-логопед кабинеті, информатика, физика, химия кабинеттері барлық қажетті құралдармен толық жабдықталған.
Жаз бойы жаңа мектептің құрылыс жұмыстарымен айналысқан «Бо-Мур» ЖШС басшысы Нұрлан Сейдалиев ғимарат кілтін мектеп директоры Рабиға Сейітмағамбетоваға тапсырды. Өз кезектерінде жұмыстың сапалы әрі уақытылы аяқталуына басымдық берген мердігер құрылымға облыс әкімінің орынбасары Нұржан Әлібаев жұртшылық атынан алғыс айтты.
Ержан Байтілес.
Дерек, сурет: egemen.kz.
