Жеделхат
«Егемен Қазақстан» республикалық газеті» АҚ президенті
Сауытбек Абдрахмановқа
Сізді және сіздің ұжымыңызды келе жатқан Жаңа жыл мерекесімен шын жүректен құттықтай отырып, еңбектеріңізге табыс, көңілдеріңізге шаттық, отбасыларыңызға бақыт тілеймін. Қаламдарыңыз қарымды болсын. Еліміздің шырайлы шығысында орналасқан Күршім ауданының тұрғындары Тәуелсіздіктің 20 жылдық мерейтойын лайықты қарсы алу бойынша тыңғылықты істер атқаруда. Тәуелсіз Қазақстанның тыныс-тіршілігін ел жұртшылығына жеткізуде өзіңіз басқарып отырған ата басылым – «Егемен Қазақстан» газетінің алар орны ерекше. Аудан тұрғындары жылдан-жылға «Егемен Қазақстанға» аса бір құлшыныспен жазылады. Атап айтқанда, 2011 жылдың І жартыжылдығына 800 данаға жазылды. Алтайбек СЕЙІТОВ, Күршім ауданының әкімі. Шығыс Қазақстан облысы.
