Ақтөбеде «Нұрлы жол» бағдарламасы бойынша баспана берілді

АСТАНА. 24 наурыз. Ақтөбе қаласында «Нұрлы жол» бағдарламасы бойынша балаларға арналған спорт клубы бар баспана пайдалануға берілді. Тұрғын үй мен клуб Ақтөбе қаласының белсенді дамып жатқан бөлігі - Батыс-2 шағын ауданында орналасқан. Бұл туралы egemen.kz тілшісі хабарлады. «Қазақстан ипотекалық компаниясы» ИҰ» АҚ инфрақұрылымды дамытудың «Нұрлы жол» мемлекеттік бағдарламасы аясында операторлардың бірі бола отырып, сатып алу құқығымен жалға берілетін тұрғын үйлерді салу/сатып алуды қаржыландыруды қамтамасыз етеді. Атап айтқанда, компания ЖАО-да кезекте тұрғандар үшін Батыс-2 шағын ауданында орналасқан үйден жалпы ауданы 17 394,1 шаршы метр болатын 262 пәтерді сатып алды. Пәтерлер таза әрленген, сантехникалық құралдармен және ас үйге арналған плиталармен «Нұрлы Жол – болашаққа бастар жол» атты Мемлекет басшысы Нұрсұлтан Назарбаевтың Қазақстан халқына Жолдауын іске асыру аясында Ақтөбе облысындағы ЖАО-да кезекте тұрғандарға берілген. Батыс-2 шағынауданында тұруға жайлы жағдайлар жасау үшін құрылыс салушы - «Соллерс» ЖШС компаниясының қатысуы арқылы жергілікті атқарушы органдарымен аймақты абаттандыру бойынша жұмыстар жүргізілді: кіре беріс жолдар асфальтталды, автобус аялдамалары орнатылды. Сонымен қатар «Соллерс» ЖШС мемлекеттік-жеке серіктестік (МЖС) аясында балаларға арналған спорт клубын ашу үшін көлемі 400 ш.м. үй-жайды Ақтөбе қаласына ақысыз берді. Осылайша, өңірлерді дамыту бағдарламасын ойдағыдай жүзеге асыру барысында тек қана ЖАО-да кезекте тұрғандарға пәтер беру ғана емес қазақстандықтардың жайлы өмір сүруі үшін жағдай жасаудың жақсы үлгісі көрсетілді. Дастан Кенжалин. Дерек, сурет: «Қазақстан ипотекалық компаниясы» ИҰ» АҚ Жарнама және жұртшылықпен жұмыс жүргізу басқармасы.