Мәжіліс Төрағасы Орал Мұхамеджановтың жетекшілігімен өткен палатаның сәрсенбі күнгі жалпы отырысының күн тәртібінде жеті мәселе қаралса, соның алтауында заң жобаларына Сенаттың енгізген өзгерістері мен толықтырулары талқыға салынды. Бұл жолы да депутаттар әдеттегі сауалдарын жолдап, қоғамдағы өзекті деген мәселелерге назар аударды.
Соңғы кездері бала өлімінің артып отырғандығына алаңдаушылығын білдірген депутат Жарасбай Сүлейменов өткен жылдағы бірқатар фактілерге шолу жасады. Мәселен 2009 жылы ресми деректер елімізде 260 жасөспірім өз өзіне қол салып, өмірден озғанын айтады. Ал өткен жылы мұндай келеңсіз оқиғаның 237-сі тіркеліпті. Депутат аталған жағдайға байланысты былай дейді: «Бұл – осыншама ана қара жамылып, ботасынан айрылған бозінгендей еңіреп қалды, мыңдаған жүректерге айықпас жара түсті деген сөз».
Бір өкініштісі – Дүниежүзілік денсаулық сақтау ұйымының деректері бойынша, бүгінде Қазақстан әлемдегі ең көп суицидтік жағдайлар тіркелген ел ретінде үшінші орынға шығып отыр. Осыған байланысты депутат Үкімет басшысынан Ішкі істер, Білім және ғылым, Денсаулық сақтау министрліктеріне және өзгелеріне аталған мәселе бойынша нақты тапсырмалар беруді сұрады.
Ирак Елекеев көтерген мәселеге Астана қаласы «Жастар» шағын ауданы аумағында орын тепкен мұсылман зираты арқау болды. Депутат аталған зираттың бес жүз жылдық тарихы барлығын айта келіп, мұнда көптеген елге белгілі адамдардың, соның ішінде әр түрлі ұлт өкілдерінің жерленгендігін де ескерте кетті. Мұнда жоңғар шапқыншылығына қарсы күрескен жауынгерлер, осыдан 170 жыл бұрын хан болып көтерілген Кенесары сарбаздары, тіпті украин, орыс, еврей, поляк, ұйғыр, әзірбайжан және неміс ұлтының өкілдері де жатыр, деді ол. Сондай-ақ Кенесарының өзін лайықты жерлеу қажеттігін де айта келіп, Ресей жағы Смағұл Сәдуақасовтың сүйегін алып кетуге рұқсат еткендіктен, осында әкеліп жерлеу қажеттігін де тілге тиек етті. Сөйтіп, аталған зиратты мемориалды саябаққа айналдыру керек деп санайды депутат. Ал әзірге ол қаңғыған иттердің тұрағына айналып, құлпытастары бүліне бастаған.
Сенат тарапынан «Медиация туралы», «Мемлекеттік мүлік туралы» және осы заң жобаларына ілеспе заңдық құжаттарға енгізілген өзгерістерді қарастырған депутаттар әріптестерінің уәждерімен келісті. Сондай-ақ шаруа немесе фермер қожалықтарының қызметі, ипотекалық кредит беру және қаржылық қызметтерді тұтынушылар мен инвесторлардың құқықтарын қорғау мәселелері бойынша заңдық құжаттарға Сенат енгізген өзгерістер де қолдау тапты. Осы ретте 1997 жылғы Ядролық залал үшін азаматтық жауапкершілік туралы Вена конвенциясын ратификациялауға қатысты заң жобасы да мақұлданды.
Асқар ТҰРАПБАЙҰЛЫ.
Бір өкініштісі – Дүниежүзілік денсаулық сақтау ұйымының деректері бойынша, бүгінде Қазақстан әлемдегі ең көп суицидтік жағдайлар тіркелген ел ретінде үшінші орынға шығып отыр. Осыған байланысты депутат Үкімет басшысынан Ішкі істер, Білім және ғылым, Денсаулық сақтау министрліктеріне және өзгелеріне аталған мәселе бойынша нақты тапсырмалар беруді сұрады.
Ирак Елекеев көтерген мәселеге Астана қаласы «Жастар» шағын ауданы аумағында орын тепкен мұсылман зираты арқау болды. Депутат аталған зираттың бес жүз жылдық тарихы барлығын айта келіп, мұнда көптеген елге белгілі адамдардың, соның ішінде әр түрлі ұлт өкілдерінің жерленгендігін де ескерте кетті. Мұнда жоңғар шапқыншылығына қарсы күрескен жауынгерлер, осыдан 170 жыл бұрын хан болып көтерілген Кенесары сарбаздары, тіпті украин, орыс, еврей, поляк, ұйғыр, әзірбайжан және неміс ұлтының өкілдері де жатыр, деді ол. Сондай-ақ Кенесарының өзін лайықты жерлеу қажеттігін де айта келіп, Ресей жағы Смағұл Сәдуақасовтың сүйегін алып кетуге рұқсат еткендіктен, осында әкеліп жерлеу қажеттігін де тілге тиек етті. Сөйтіп, аталған зиратты мемориалды саябаққа айналдыру керек деп санайды депутат. Ал әзірге ол қаңғыған иттердің тұрағына айналып, құлпытастары бүліне бастаған.
Сенат тарапынан «Медиация туралы», «Мемлекеттік мүлік туралы» және осы заң жобаларына ілеспе заңдық құжаттарға енгізілген өзгерістерді қарастырған депутаттар әріптестерінің уәждерімен келісті. Сондай-ақ шаруа немесе фермер қожалықтарының қызметі, ипотекалық кредит беру және қаржылық қызметтерді тұтынушылар мен инвесторлардың құқықтарын қорғау мәселелері бойынша заңдық құжаттарға Сенат енгізген өзгерістер де қолдау тапты. Осы ретте 1997 жылғы Ядролық залал үшін азаматтық жауапкершілік туралы Вена конвенциясын ратификациялауға қатысты заң жобасы да мақұлданды.
Асқар ТҰРАПБАЙҰЛЫ.
