Әскери ойындарға дайындық

Қазақстанның Қарулы Күштеріндегі әскери медициналық қызметтер алғаш рет «Әскери медициналық эстафета» байқауында Армия халықаралық ойындарына қатысады. Осыған байланысты жақын­да Құрлық әскерлерінің Гвар­дейск гарнизоны оқу-жаттығу орталығының базасында бай­қау­дың ашылу рәсімі өтті. Онда 34 әскери-медициналық маман жаттығудан өтіп, Құр­лық әскерлері арасында «Әс­ке­ри-медициналық эстафета» бай­­қауына қатысатын болып ше­шілді. Байқаудың мақ­саты – халықаралық әскери ын­ты­­мақтастықты нығайту, әске­ри қызмет пен медициналық ма­ман­­дардың әскери-кәсіптік қызметінің беделін арттыру. Сайыста «Жеке шеберлік» пен «Командалық біріншілік» аталымдарында үздіктер анықталады. Содан кейін конкурстың жеңім­паз­дары Ресейде өтетін Армия ойындарына қатысады. Қазіргі кезде Армия халықара­лық ойындарында ел намысын қорғайтынын әскерилерді анық­тау жұмыстары жүргізілуде. Жуырда осы ойындарға қаты­суға арналған тағы бір байқау өтті. Ол «Оңтүстік» өңірлік қолбасшылығына қарас­ты «Айша-бибі» полигонын­да өтіп, оған 5 командадан құралған әскери қызметшілер қатысты. Сайыста «Оңтүстік», «Шығыс», «Батыс», «Астана» өңірлік қол­бас­шылықтары мен Аэроұтқыр әскер­лерінің әскери қызметшілері жақ­сы қырынан көрінді. Әскерилер «Қару-жарақ шебері» байқауында АК-74 пен артиллериялық қару-жарақты бөлшектеп жинады. Одан кейін қару-жарақты тексеріп, сол қарудан межеге оқ атып, 400-500 метрлік эстафетаны жүгіру тапсырмасын орындады. Байқаудың соңында «Оң­түстік» ӨңҚ 01731 әскери бөлі­мі бірінші орынды, «Шығыс» ӨңҚ ко­мандасы екінші орынды иелен­ді. Аэроұтқыр әскерлері, «Батыс» және «Оңтүстік» өңір­лік қолбасшылықтары Қарулы Күштер Құрлық әскерлері бас қол­басшысының грамотасымен марапатталды. Енді жеңімпаз командалар Армия ойындарына дайындалады. Дастан КЕНЖАЛИН, «Егемен Қазақстан»