Білім • 30 Мамыр, 2023
Оқу жылында Солтүстік Қазақстан облысының 700-ге жуық түрлі мектебі мен кәсіптік білім беру орнында 100 мыңнан астам шәкірт білім алды. Негізгі мектептің курсын, яғни 9-сыныпты 6 707 оқушы аяқтайды, олардың қорытынды емтихандары 2-13 маусым аралығында өтеді.
Бокс • 24 Мамыр, 2023
Петропавл қаласында мамырдың 16-21 күндері қыздар арасында бокстан VI жазғы республикалық спартакиада аяқталды. Өте тартысты өткен жарысқа еліміздің барлық өңірінен 17 команда қатысып, 12 салмақ дәрежесі бойынша чемпиондар анықталды.
Әдебиет • 22 Мамыр, 2023
Жуырда Солтүстік Қазақстан облысының С.Мұқанов атындағы әмбебап кітапханасында Әбдірахман Айсариннің 125 жылдығына арналған әдеби кеш болды. Ол – азапты жылдарда ауыр тағдырға тап болған қазақтың алғашқы жазушыларының бірі, Алашорда ісін жақтаған, Мағжан Жұмабаевты қолдаған қоғам қайраткері. «Айжанның азабы», «Мәжен», «Той тарқар», «Бәсекелестер жиыны», «Жол айырығы», «Мырзалар», «Жүрек жұмбағы», «Болсаң, Болаттай бол» сияқты әңгімелері мен «Алма өз түбінен аулаққа түспейді», «Көн құрысса, қалпына барады» атты хикаяттары, мақалалар мен көсемсөздері баспасөзде жарияланып, өз заманында халқына қаламымен қызмет еткен елеулі азамат.
Кәсіпкер • 18 Мамыр, 2023
Кәсіпкерлердің «Атамекен» ұлттық палатасы – елімізде түрлі бизнестің дамуына ықпал ету үшін Үкімет және жергілікті мемлекеттік органдармен көмек пен келіссөздерді күшейту ыңғайында құрылған қосалқы ұйым. Ол әсіресе шағын және орта бизнестің мүддесін қорғайды. Ірі бизнестің де оның көмегіне зәру болатын кезі аз емес. Еліміздің барлық облысында ұйымның филиалдары ашылған. Соның ішінде Солтүстік Қазақстан облыстық филиалы да бар. Жуырда осы ұйымның өкілдері журналистердің алдына шығып, өздерінің атқарып жатқан жұмыстары туралы баяндады.
Спорт • 18 Мамыр, 2023
Петропавл қаласында қыздар арасында бокстан VI жазғы республикалық спартакиада басталды. Бұған еліміздің барлық аймағынан 17 командаға біріккен 90 қыз қатысып жатыр. Соның ішінде Астана, Алматы, Шымкент сияқты республикалық маңызға ие қалалардың командалары да бар. Қатысушылар 12 салмақ санаты бойынша чемпиондық атаққа таласады.
Төтенше жағдай • 08 Мамыр, 2023
Мерекеде берекесі қашқан аудан
Ел-жұрт «Отан қорғаушы» күнін атап өтіп жатқан тұста Петропавл қаласында төтенше жағдай болды. Қаладағы тұрғын үйлердің маңайынан тұтанған қызыл жалын ондаған тұрғынды ғана емес, өрт сөндірушілерді де біршама әбігерге салды. Соңғы күндері қалада аңызақ жел көтеріліп, өрт қаупі анағұрлым артты. Ақырында сол жел қаланың «Береке» шағын ауданының шетіндегі қаңсып тұрған қалың қамысқа түскен отты аз уақыттың ішінде 9 үйдің астан-кестенін шығарған алапат өртке ұластырды.
Шаруашылық • 28 Сәуір, 2023
Жуырда Мемлекет басшысы Қасым-Жомарт Тоқаевтың төрағалығымен Үкімет үйінде «Реформалардың түпкі мақсаты – халық өмірін жақсарту» атты еліміздің әлеуметтік-экономикалық дамуы жөнінде кеңейтілген кеңес өтіп, онда Президент агроөнеркәсіптің даму барысы туралы бірқатар мәселелерге тоқталды.
Халық • 27 Сәуір, 2023
Көші-қон мәселесі үнемі ел назарында, алайда бұл бағыттағы іс солтүстікте мардымды жүргізіліп жатыр деп ешкім ауыз толтырып айта алмайды. Еңбек күші жетпейтін солтүстік өңірге қоныс аударушылар легі қазір баяулап қалды. Былтыр барлығы 2 556 адамы бар 681 отбасы келіп қоныстанған, бірақ соның қаншасы нақты қыстап шыққаны жөнінде мәлімет жоқ.
Аймақтар • 18 Сәуір, 2023
Осыдан екі жыл бұрын Президент Қасым-Жомарт Тоқаев Қызылжар өңіріне келген жұмыс сапары барысында «Киров атындағы зауыт» аумағында 1857 жылы салынған үлкен мешіттің ғимаратын жаңғырту туралы тапсырма берген еді. Кеңестік кезеңде қоймаға айналған бұл мешіттің ғимаратын сол тұста жергілікті жұрт«соборлы мешіт» деп атап кеткен екен. Ал Мемлекет басшысының тапсырмасынан кейін тарихи нысан қалпына келтіріліп, ислам мәдениетінің мұражайы болатыны да нақтыланған.
Денсаулық • 18 Сәуір, 2023
Жаз келе жатыр деп қуана бастаймыз, бірақ жаздың да адам мен мал үшін өзіндік зиянкестері бар екенін ескерген жөн. Күннің жылына бастауымен олар да бас көтере бастайды. Соның ішінде кенелердің белсенділігі артатын шақ осы. Оның адам мен малды шағуы кене инцифалиті, кене сүзегі, кене боррелиозы, геморрагиялық қызба секілді қауіпті жұқпалы ауруларды туғызуы мүмкін. Солтүстік Қазақстан облысы санитариялық-эпидемиологиялық бақылау департаментінің басшысы Әсет Жұматаевтың айтуына қарағанда, сәуір айы басталғалы облыста үш адамды кене шаққан.
