Спорт • 23 Мамыр, 2025
Сингапурдан 11 жүлдемен оралды
Сингапурда көркем гимнастикадан қыздар арасындағы Азия чемпионаты аяқталды. Жарыста еліміздің құрамасы өте жақсы нәтиже көрсетіп, 11 жүлде олжалады.
Теннис • 23 Мамыр, 2025
25 мамырда Парижде «Үлкен дулыға» санатындағы турнирлердің бірі – Ролан Гаррос басталады. Жүлде қоры 56 352 000 еуроны құраған байрақты бәсекеде әлемнің ең үздік теннисшілері бақ сынайды. Солардың қатарында еліміздің де өкілдері бар. АТР мен WTA рейтингінде ТОП-100-дікке еркін енген Александр Бублик (АТР №73), Александр Шевченко (№92), Елена Рыбакина (WTA №11), Юлия Путинцева (№24) турнирдің негізгі бөлігіне бірден жолдама алды.
Спорт • 23 Мамыр, 2025
Жарыс күнделігі: Үстел теннисі
Қатар астанасы – Дохада үстел теннисінен әлем чемпионаты өтіп жатыр. Еліміздің ойыншылары арасынан үздіктер тізімінде 60-орынға жайғасқан Кирилл Герсименко ең жақсы нәтижеге қол жеткізді. Алғашқы айналымда сингапурлық К Чюды жеңсе, келесі кезеңде әлемдік рейтингте өзінен 31 саты жоғары тұрған жапониялық Хироко Шинозутаға шаң қаптырды. Енді 1/16 финалда бразилиялық Уго Кальдераномен күш сынасады. Өкінішке қарай, өзге жерлестеріміз бастапқы бәсекелерде жеңіліс тапты.
Спорт • 21 Мамыр, 2025
Халықаралық футбол тарихы мен статистикасы федерациясы (IFFHS) осы спорт түрін серік еткен саңлақтар арасынан ең үздіктерді анықтады. Аталған ұйым Аргентинаның арланы Лионель Мессиді теңбіл доптың теңдессіз шебері деп таныды. Екінші және үшінші орындарды Пеле мен Диего Марадона иеленді. Сондай-ақ ТОП-10-дықтың қатарында Криштиану Роналду, Йохан Круифф, Роналдо, Зинедин Зидан, Франц Беккенбауэр, Альфредо де Стефано, Роналдиньо сынды дүлдүлдер бар.
Теннис • 21 Мамыр, 2025
Өткен аптада әлемнің әр қиырында жалауы желбіреген теннисшілдердің ірі халықаралық турнирлерінде еліміздің өкілдері табысты өнер көрсетті.
Спорт • 15 Мамыр, 2025
Жарыс күнделігі: Шайбалы хоккей
Шайбалы хоккейден Швеция мен Данияда өтіп жатқан әлем чемпионатында еліміздің құрамасы үшінші мәрте мұз айдынына шықты. Осыған дейін Норвегияны (2:1) ұтып, Германиядан (1:4) жеңілген жерлестеріміз кеше Мажарстанмен күш сынасты. Өкінішке қарай бұл кездесуде жолымыз болмады. Олег Болякиннің шәкірттері өз қарсыластарына 2:4 есебімен есе жіберді. Осы ойында біздің жігіттер арасынан Никита Михайлис пен Валерий Орехов мергендік танытты.
Спорт • 14 Мамыр, 2025
БАӘ-нің Фуджейра қаласында өтіп жатқан жасөспірімдер арасындағы әлем чемпионатында еліміздің екі таэквондошысы жеңіс тұғырының ең биік сатысына көтерілді. Алғашқы алтынды 61 кг салмақтағы Хамзаальпер Ромашкин жеңіп алды. Финалда ол канадалық Никола Самордичке сан соқтырды. 65 кг салмақта сайысқа түскен Сағынғали Жантөренің де бағы жанды. Қандасымыз финалда украиналық Максим Шудженконың осал тұсын оңай тапты. Алла Цой (47 кг) мен Аида Гожалимова (51 кг) қола медальді қоржынға салды.
Спорт • 26 Сәуір, 2025
АҚШ-тың Калифорния штатындағы Коммерс қаласында кәсіпқой бокс кеші өтті. Басты жекпе-жекте 27 жастағы қазақ нокаутері Садриддин Ахмедов (15-0, 13 КО) 34 жастағы мексикалық Элиас Эспадаспен (23-6, 16 КО) жұдырықтасты. 10 раундқа есептелген айқас аяғына дейін созылып, қорытындысында тең есеп тіркелді. Сөйтіп, Садриддин өзінің спорттық мансабында алғаш рет жеңіске жете алмады. Бәсеке аяқталғаннан кейін жерлесіміз: «Бесінші раунда қолымды сындырып алдым, сол себепті Эспадасты ұрып құлата алмадым», деп көпшілік алдында ақталғандай болды.
Спорт • 24 Сәуір, 2025
Жарыс күнделігі: Спорттық гимнастика
Спорттық гимнастикадан Дохадағы Әлем кубогінің екінші кезеңінде Милад Карими екі бірдей бас жүлдені олжалады. 25 жастағы Алматының өрені алғашында еркін жаттығуда алдына жан салмаса, одан кейін кермеде қарсылас шыдатпады. Миладтан бөлек, Алтынхан Темірбек пен Нариман Құрбанов та жеңіс тұғырына көтерілді. Алтынхан («ат») күміс, Нариман (еркін жаттығу) қола медаль иеленді.
Спорт • 22 Сәуір, 2025
24 сәуірде Таиландтың астанасы – Бангкокта дзюдодан Азия чемпионатының жалауы желбірейді. Бес тәулікке созылатын бәсекелер барысында 30-дан аса мемлекеттен келген 300-ге тарта балуан бақ сынайды. Олардың қатарында Олимпия ойындары мен әлем чемпионаттары, басқа да дүбірлі додаларда дараланған дарабоздар да бар.
