Аймақтар • 20 Мамыр, 2025
Биыл тоғыз «Жайлы мектеп» ашылады
Маңғыстауда 2025 жылы тоғыз «Жайлы мектеп» пайдалануға беріледі, бұл оқушы саны артып, мектепке сыйымдылық мәселесі туындаған аймақ үшін үлкен жаңалық. Өткен жылы, яғни 2024 жылдың желтоқсан айында 4 500 орындық 4 мектеп пайдалануға берілген еді. Ал жаңа оқу жылында іске қосылатын «жайлы мектептер» 8 100 оқушыға құшағын айқара ашатын болады.
Өндіріс • 15 Мамыр, 2025
Жаңартылған зауыт іске қосылды
Маңғыстауда «CASPI BITUM» БК» ЖШС-ның ауқымды жаңғырту жобасы аяқталып, Ақтау битум зауыты салтанатты түрде іске қосылды.
Туризм • 15 Мамыр, 2025
Теңіз жағасындағы заманауи кешен
Ақтау қаласында туристік қызметті дамыту бағытында бірқатар іс-шара атқарылып жатыр. Соның ішінде өңір табиғатын тамашалай келген қонақтарды күтуге айрықша назар аударылып, демалыс орындары ашыла бастады.
Өнер • 30 Сәуір, 2025
Жаңаөзен қаласында туып-өскен Жүсіп Жетгенбай Маңғыстау өңірінің мәдени келбетін мүсін өнері арқылы әлемге танытқысы келеді. Бұл кеше ғана Түркі әлемінің мәдени астанасы атанып, туризмді дамытуды мақсат еткен аймақ үшін өте маңызды. Бала күнінен мүсін өнеріне ынтық болған Жүсіп қазіргі таңда облыс жастарына арналған «Жарқын Болашақ» бағдарламасы аясында Алматыдағы Темірбек Жүргенов атындағы Қазақ ұлттық өнер академиясының колледжінде білім алып жүр.
Аймақтар • 23 Сәуір, 2025
Алғаш рет 1967 жылы ашылған «Маңғыстау» теміржол вокзалына арада отыз жыл өткенде ішінара жөндеу жұмысы жүргізілген екен. Туризмді дамытуды басым бағыт етіп қойған Маңғыстауда қонақ күтуге, алыс-жақыннан келген туристерге сапалы қызмет көрсетуге міндеттілік бар. Осы орайда аталған құрылыс жұмыстары Мемлекет басшысы Қ.Тоқаевтың тапсырмасына орай туризм саласын жандандыру мақсатында инфрақұрылымдық нысандарды дамыту бағытында қолға алынды.
Еңбек • 18 Сәуір, 2025
«Мал баққанға бітеді» дейді қазақ. Дала төсіндегі жылқышы отбасында өмірге келген Дәлубай қаршадайынан малдың қадірін біліп, оны бағу мен өсірудің қыр-сырына қанығып өсті. Мал бағу оңай кәсіп емес, біле білгенге үлкен ғылымды, терең парасатты, қайтпас жігер мен табандылықты қажет етеді. Дала сырын меңгеру, малдың жай-күйін түсіну, өзің мал дәрігері, өзің табиғат тамыршысы, өзің сейіс, қысқасы, жан-жақты дала академигі болуың керек.
Туризм • 18 Сәуір, 2025
«Бозжыра» саяхат орталығының құрылысы басталды
Маңғыстаудың Бозжырасы әлем елдеріне әлеуметтік желі арқылы жарқырай танылып, өңірге туристерді шақыруда көшбасшы болып тұр. Туризм саласы мұнайлы түбектің болашақ салмақты бағыты десек, үлкен істі Бозжыра, Шерқала, Айрақты сынды тамаша табиғат нысандары өзгелерді тамсандыра тартумен бастап-ақ кетті. Әр жыл сайын өңірдегі көрікті жерлерді көруге келетін туристер саны артып келеді.
Аймақтар • 08 Сәуір, 2025
Шежірелі Маңғыстаудағы түркі мәдениетінің тойы
ТҮРКСОЙ халықаралық ұйымының шешімімен Түркі елдерінің мәдени астанасы мәртебесін иеленген Ақтау қаласында алғашқы іс-шаралардың ашылуы салтанатты тойға ұласты. Каспий жағалауы түркі рухындай толқып жатты.
Өшпес даңқ • 29 Наурыз, 2025
Батыр есімі ескерусіз қалмаса екен
Жеңіспен оралған соң соғыс қиратқан ел экономикасын қалпына келтіру жолында бел шешпей ұзақ жыл бойы еңбек етіп, туған жерінің гүлденуіне бар ғұмырын арнаған майдангерлердің орны – бір төбе. Сондай ардақты жандардың бірі – Шаңқұл Қаженов 1913 жылы Гурьев облысы Еспұл ауданында, қазіргі Атырау облысы Индер ауданы №1 ауылда туған.
Қоғам • 27 Наурыз, 2025
Қазақтың ұлт киімі – ғасырлармен бірге жасап, ел талғамын қалыптастырған құндылық. Жаңа заман иірімінде оны жаңғыртып, әрлеп-сәндеп тұтынушы сұранысына сай өзгертіп тігіп жүрген шеберлер бәсекелестікті арттырып, аталған саланы дамытып келеді. Маңғыстауда Ұлыстың ұлы күнінде ұлттық киімнің мерейі аспандап, мәртебесі артты. Қазақтың ұлттық киімі Гиннесс рекордтары кітабына еніп, әлемдік деңгейде танылды.
