Мереке • 17 Наурыз, 2024
Қарағандыда тұңғыш рет Амал күні тойланды. Арқа мәдениетінің ақсарайы атанған Сәкен театрында ұйымдастырылған «Амал деген айыңыз…» атты өнер жәрмеңкесінде ел-жұрт есендік сұрасып, арқа-жарқа болды. Ұлттық құндылығымыз шеру тартқан көрме де, Көрісу күні көрініс тапқан театрландырылған қойылым да ерекше әсер сыйлады. Сәні мен салтанаты келіскен кештен көпшіліктің жаны жадырап, рухы аспандап тарқасты.
Аймақтар • 15 Наурыз, 2024
«Туризм саласына тың серпін беру үшін алдымен инфрақұрылым мәселесін кешенді түрде шешіп, қызмет сапасын түбегейлі жақсарту қажет. Жалпы, туризмнің болашағы зор екеніне кәсіпкерлердің көзі жетуге тиіс», деген еді Мемлекет басшысы Қасым-Жомарт Тоқаев. Осы орайда биыл Балқашта жеті демалыс аймағы салынады. Бұған қарап біз туризмнің тамырына қан жүгірту үшін әлеуеттің де, әрекеттің де бар екеніне көз жеткізіп отырмыз.
Өндіріс • 14 Наурыз, 2024
Көлікке салқындату үшін құятын антифризді алыстан тасымалдаудың қажеті жоқ. Қарағандыда «Азия-СМ» ЖШС кәсіпорны «Proteс» атауымен өнімдерін сәтті саудалап отыр. Тіпті экспортқа да шығарылып жатыр. Іргеміздегі Өзбекстан мен Ресейден сұраныстың түсуі өнім сапасының жоғары екенін айқындайды.
Оқиға • 04 Наурыз, 2024
Балқаш қаласында қасқыр соғып алған 85 жастағы әже тұрады. Жарты ғасырға жуық уақыт аттан түспей, ақтылы қой өргізген Сәкүл Сақбаеваның бұл батырлығын көзкөргендер әлі күнге дейін аңыз етіп айтады.
Өнер • 04 Наурыз, 2024
Ағаштан түйін түйген Қылышбек Құрмантегі Майқұдықтағы Мәдениет үйіндегі «Атамұра» ұлттық қолөнер орталығына жетекшіліп етіп, қолының ебі бар балаларды ағаш пен темірден түрлі бұйым жасауға баулиды. Ұлттық өнерді өлтірмей жүрген бесаспаптың шеберханасының есігінен біз де ендік.
Еңбек • 03 Наурыз, 2024
Вилен Борисович Молотов-Лучанский. Бұл есім елге белгілі. ІІ дәрежелі «Достық» орденінің, «Қазақстан Республикасының денсаулық сақтау ісінің үздігі» төсбелгісінің иегері. Медицина ғылымдарының докторы, профессор. Кейіпкеріміз ел мен жерді кие көреді. Қазаққа деген құрметі жыл өткен сайын артпаса, еш кеміген емес.
Спорт • 03 Наурыз, 2024
Италияда өткен «Марчалонга» шаңғышылар марафонына қарқаралылық Думан Бейсенаев қатысып, сәтті өнер көрсетіп қайтты. Еркін стильде 42 шақырым қашықтықты 2 сағат 15 минутта жүгіріп өтіп, 3 мыңдай қатысушының ішінде 133-ші болып мәреге келді. Әлемдік марафонда алғаш рет бақ сынаған әуесқой спортшы үшін бұл – әжептәуір жетістік.
Экономика • 27 Ақпан, 2024
Көп күткен күре жол құрылысы аяқталады
«Қарағанды – Балқаш – Алматы» тасжолының құрылысы түрлі себепке байланысты сағызша созылды. Жылда айтылатын уәде – «биыл бітіреміз». Ендігі уәде жауаптылардың кәдесіне жарамайын деп тұр. Маңызды күре жолдың аяқталу мерзімі – Мемлекет басшысының назарындағы мәселе. Жақында ғана Қарағандыға жұмыс сапарымен келген Үкімет басшысы Олжас Бектенов барлық жұмысты жыл соңына дейін толық аяқтау қажеттігін қадап айтып, өз бақылауында ұстайтынын жеткізді.
Оқиға • 15 Ақпан, 2024
Теміртаудағы жарылыс: Сатушының мәйіті табылды
Бүгін сағат 08-06-да Теміртау қаласының Ватутина көшесі бойындағы «За углом» азық-түлік дүкенінің 2 қабатты ғимаратында газ жарылып, салдарынан ғимарат опырылып құлаған, 40 шаршы метр аумақта өрт шарпыған.
Үкімет • 15 Ақпан, 2024
Өнеркәсіп секторының өзекті мәселелерімен танысты
Премьер-министр Олжас Бектенов Қарағанды облысына жұмыс сапарымен барып, бірқатар негізгі өндірістік кәсіпорынды аралады, сондай-ақ өнеркәсіп секторының өзекті мәселелерімен танысты.
