Медицина • 04 Қаңтар, 2024
Жедел жәрдем көліктен тарықпайды
Өткен жылы Жетісудың шалғай ауылдарын медициналық көмекпен қамтамасыз ету үшін 27 блокты-модульдік медициналық пункт орнатылды. 2025 жылға дейін осындай 35 нысан тұрғызылады. Қазір өңір тұрғындары бұрынғыдай қалаға көп сабылмайды. Іргедегі емханаға жүгініп, арнайы көлікпен орталыққа қатынайды. Осы ретте жаңа жыл қарсаңында облыстық медициналық ұйымдарының автопаркі 29 жаңа жедел жәрдем көлігімен толықты.
Кәсіпкер • 28 Желтоқсан, 2023
Кәсіп жынысқа бөлінбейді, қазір ерімен қатар әйелдің де жеке шаруамен айналысуға мүмкіндігі мол. Оның үстіне бұл тарапта мемлекеттен берілетін көмек те орасан. Мәселен, Жетісуда шағын және орта кәсіпорындардың жартысына жуығын әйелдер басқарады. Үй шаруасынан бөлек, қоғамға пайдасы зор кәсіпті тізгіндеген қыз-келіншектер облыстың әлеуметтік деңгейін көтеруде маңызды рөлге ие. Қазір өңірде екі жүзге жуық кәсіпкер қыз-келіншек бар.
Өнер • 26 Желтоқсан, 2023
Кейде әуенмен-ақ жүректің кілтін табуға болады. Сөзсіз, эмоциясыз, тіпті мимикасыз-ақ нотаға түскен саз көңіл көгершінін еркін самғатады. Әртүрлі аспаптың толқынынан туған тамаша туындылар – көрерменнің жан азығы. Осы аяулы әсерді Талдықорғанда өткен классикалық музыка кешінен алдық. Адамның жан әлеміне еркін бойлаған көркем шығармалар шынайы өнердің құдіретін сезіндірді.
Кітапхана • 26 Желтоқсан, 2023
Кітапқұмарлық – үлкен қасиет. Оны оқырманға сыйлайтын жалғыз рухани шаңырақ – кітапхана. Осы ретте облыстық С.Сейфуллин атындағы орталық кітапхананың ұйымдастыруымен «Карнавалды кітапхана түні – 2023» әлеуметтік мәдени іс-шарасы өтті.
Аймақтар • 25 Желтоқсан, 2023
Қазір талдықорғандықтар Жетісудың орталығын шағын шаһар санамайды. Зәулім үйлер мен әсем ғимараттар жыл санап артып, жаңа шағын аудандар түрленіп келеді. Жылдар бойы қордаланып қалған тұрғын үй мәселесі де шешімін тауып жатыр. Маңайындағы ауылдар мен саяжайлар көгілдір отынға қол жеткізіп, ауыз сумен қамтамасыз етілді. Қала басшысы Ернат Бәзіл халық ішінде жүр, әрбір тұрғын мәселесін әкімге ашық айта алады.
Айбын • 20 Желтоқсан, 2023
Осыдан бес жыл бұрын құрылған «Жас сарбаз» қозғалысы балалар бойында мектептен бастап ұлттық рух ұялатады. Еліміздің барлық өңірінде жасақталған ұйым оқушыларға денешынықтырумен еркін айналысуға мүмкіндік береді. Ең бастысы, жастайынан әскери мамандықтарды игеруіне жол ашады. Бұл ұйым Қорғаныс министрлігімен бірлесіп, патриоттар тәрбиелеу ісіне белсенді атсалысып келеді. Бүгінде географиясы кеңейіп, құрамы 280 мың тәрбиеленушіге жеткен.
Өндіріс • 15 Желтоқсан, 2023
Жетісу өңірінде ет өндірісі артып келеді. Аграрлы облыста дәл қазір 75 ірі мал бордақылау алаңы жұмыс істеп тұр. Онда 30 мыңға жуық сиыр бар. Жыл соңына дейін өңірдің фермерлері 130 мың тонна ет өндіруге бекініп отыр. Келер жылы бұл көрсеткішті арттырмақ ниетте. Оның үстіне осы бағытта шағын шаруаларға мемлекет тарапынан қолдау көрсетіліп отыр.
Жәдігер • 14 Желтоқсан, 2023
Жетісудың қияқ пен ұшқат, жусан мен алаботасына дейін елжірей жырлаған Ілияс Жансүгіровтің мұрасының жаңа парағы ашылып отыр. Туған жерге деген перзенттік махаббаты, табиғатқа деген дарқан мейірі, парасат биігінде шалқыған көл-көсір сезімі архивтен ақтарылып жатыр. Күні кеше кинорежиссер Ербол Бораншаұлының жеке кітапханасынан құлагер ақынның төте жазумен жазылған «Өтірік» атты өлеңдер жинағы табылды.
Тағзым • 14 Желтоқсан, 2023
Телевизияда өзекті әлеуметтік мәселелерді көтеріп, елдің жүрегінде қалған журналист Бейсен Құранбектің еңбегі ұмытылмайды. Жыл сайын Жетісу жері аяулы перзентін еске алып, түрлі іс-шара ұйымдастырып келеді. Соның бірі – шағын футболдан БАҚ өкілдері арасындағы республикалық турнир. Биыл үшінші рет өткен доп додасы жылдағыдай тартысты болды.
Білім • 14 Желтоқсан, 2023
Қандай жағдайда да бала білім алуға міндетті. Сондықтан қоғамды екіге бөлмей, мүмкіндігі шектеулі оқушыларға да жәрдем берудің жолын жасау шарт. Осыған орай Талдықорғанда «1000 мектепке әдістемелік қолдау» жобасы аясында мектеп басшыларын әдістемелік тұрғыда сүйемелдеу және «Білім сапасын мониторингілеу – мектепішілік бақылаудың тиімді құралы» атты өңіраралық семинар өтті.
