Қоғам • 20 Қаңтар, 2023
Жазиралы Жаркентте малшылары малын қыстан шығынсыз шығару үшін табиғи жайылымдарды барынша тиімді пайдаланып, қолдағы жемшөп қорын да үнемдеу жолын қарастырып отыр. Ауданда қыс пен көктемгі мал төлдету науқанына жалпы 85 380 тонна шөп, 23 600 тонна жоңышқа, 23 мың тонна сүрлем, 28 900 тонна сабан, 12 900 тонна пішендеме және 39 200 тонна жүгері жемі дайындалған.
Аймақтар • 19 Қаңтар, 2023
Қазақта «қыналы бармақ» деген теңеу бар. Яғни «аз нәрсені көптей қылады, көп нәрсені көлдей қылады». Ерінің барын да, жоғын да білдірмейтін осы қыналы бармақ қыз-келіншектер. Жетісуда тігін кәсібін тізгінге алған арулар жетерлік. Тіпті басым бөлігі мемлекеттен бөлінген грантты игілігіне жаратып, ісін шыр көбелек айналдырып отыр.
Білім • 18 Қаңтар, 2023
Mассачусетс университетіне қалай түсуге болады? Гарвардта оқу үшін қойылатын талаптар қандай? Роботтехника саласы несімен маңызды? Америкалық мұнай компаниясында жұмыс тәжірибесінен қалай өтеді? Талдықорған қаласындағы Назарбаев зияткерлік мектебінің түлектері осы сауалдарға жауап берді.
Қоғам • 17 Қаңтар, 2023
Құмар ойынның түбі – құрдым. Мемлекеттің ақшасын талан-таражға салған адамның соңғы аялдамасы теміртор екені даусыз. Талдықорғанда жаға ұстатар жағдай болды. Облыстық балалар ауруханасының есепшісі мемлекеттің 116 млн теңгесін букмекерлік бәске салып жіберген.
Аймақтар • 16 Қаңтар, 2023
Жас келсе – іске! Екі қолы сау адам ерінбесе еңбектің кілтін табады. Бұл ретте жетісулық жастарды мақтанышпен айтуға болады. Мәселен, Ақсу ауданына қарасты Сағакүрес ауылында 26 жастағы жас кәсіпкер отбасылық кәсіп ашып, нан өнімдерін өндіріп отыр. Ауылдастары дән риза. Оның наубайшылықпен айналысуына мемлекеттен берілген грант түрткі болған.
Абай • 16 Қаңтар, 2023
Жетісуда Абай ескерткіші бой көтереді
Жетісуда Абай Құнанбайұлының ескерткіші жоқ. Ұлт руханиятының абызына арнап ескерткіш орнатуды халық көптен бері айтып келеді. Жақында өңір тұрғындары облыс әкімі Бейбіт Исабаевпен кездескенде де айтқан еді. Ақыры тас бейне Б.Римова атындағы Талдықорған драма театрының алдына қойылатын болыпты. Ал сонда биыл облыс болып жүз жылдық мерейтойын атап өткелі отырған халық әртісінің ескерткіші қайда орнатылады? Жұрттың пікірі екіге жарылуда. Ескерткіш қоюдың да өз мәдениеті бар емес пе?
Аймақтар • 15 Қаңтар, 2023
Жетісуда маусым қорытындысы бойынша тәтті түбірден гектарына 427 центнерден өнім алып, 182 мың тоннаға жетті. Облыс үшін стратегиялық маңызы бар дақыл қант қызылшасын биыл жергілікті шаруалар 4 264 гектар алқапқа өсірді. Көксу қант зауытына 163 мың тонна тәтті түбір дақылдары жеткізілген. Бұл – өңірдегі 143 ірілі-ұсақты шаруа қожалығының ерен еңбегінің жемісі. Осы ретте өткен жылды қорытындылауды жөн санап отырмыз.
Аймақтар • 15 Қаңтар, 2023
Көксу ауданына қарасты Ақшатоған және Еңбекшіқазақ ауылында жаңа фельдшерлік акушерлік пункттер ашылды. Осындай қуаныш Кербұлақ ауданындағы жиырма шақты отбасы тұратын Шаған ауылында да болды. Балтыры сыздаса қалаға асығатын ағайын енді ауылда жатып-ақ емделе алады.
Аймақтар • 15 Қаңтар, 2023
Ақсудағы жаңа ем-дом мекемелері
Ауыл ішінде жаңа нысан бой көтерсе алақайлап шыға келеміз. Мемлекет басшысы ауылға көбірек көңіл бөлуді тапсырғанда, тап осы аурухана мәселесін де негізге алғаны бекер емес. Соған сай, Жетісуда екі медициналық мекеме ел игілігіне берілді. Оның бірі – Ақсу ауданының Сағабүйен ауылында дәрігерлік амбулатория болса, екіншісі – Көкөзек ауылындағы заманауи блок-модульді медициналық пункт.
Аймақтар • 15 Қаңтар, 2023
Бір қарағанда архив – жанды тірліктің жансыз дерегі сынды. Бірақ бұл сырт көзге ғана. Асылында, архив әлемі тереңіне бойлап, жіті үңілетін зерделі иесіне кезіксе, оған да тіл бітіп сөйлейді. Содан ғой, архивті шежіре-кеніш дейтініміз.
