Өнер • 18 Қазан, 2021
Қалай десек те, кеңес кезіндегі классикалық әуендер кіреберісте қалып кетуге тиіс емес. Әсіресе сіз бен біздің балалық шағымыздың мөп-мөлдір естелігіндей көрінетін көңілді әуендер ырғағы. Балаңызға ыңылдап ән айта бастасаңыз алдымен көкейіңізге оралатын сол сұлу да сазды әндер емес пе? Әзірге қазақ даласында соларды ұмыттыратын балалар әні өмірге келмеді. Бар болса да үні бәсең. Содан да болар дәуір алмасса да өміршең туындылардың жаңғырығы құлаққа келеді де тұрады.
Өнер • 18 Қазан, 2021
Бала қалпында көрермен қарашығында қатталып қалған актер Маколей Калкинді білесіз бе? Сізге түсінікті болуы үшін Кевин Маккаллистер деп таныстырғаным жөн шығар. Әйгілі «Үйде жалғыз қалғанда» кинокартинасының басты кейіпкері. Иә-иә, режиссер Крис Коламбустың аңызға айналған атақты фильмін айтып отырмыз. Бірақ әңгіме ол жайында емес, сол тілазар баланың тәтті қылығында. Екі қолын бетіне басып таңғалған Кевиннің фотосуретін бүгінде бүлдіршін біткен қайталауға құштар. Жаңа жыл жақындағанда кішкентай бұзықтың боямасыз бейнесі желіде желдей еседі. Әлгі орыстың әйдік актері Юрий Никулиннің «сайтан алғыры» секілді.
Әдебиет • 13 Қазан, 2021
Артындағы адуынды толқынға өзінің бай мұрасын таразылауды тарту еткен ақын әлемі мұрагерсіз емес. Қасым рухы аспандаған салтанатты сәтте Қазақстан Жазушылар одағының мүшесі, Мемлекеттік «Дарын» Жастар сыйлығының лауреаты, ақын Ерлан Жүніс пен «Құрмет» орденінің иегері, «Абай әндері», «Қасымның әндері-ай» концерттік жобаларының авторы әрі жетекшісі, әнші Гүлбаршын Тергеубекова қазылық жасап, жас таланттарға бағыт-бағдар берді.
Қазақстан • 13 Қазан, 2021
Тәуелсіздік таңы атқаннан бері, тарих қойнауындағы шежірелі деректердің шымылдығы түрілді. Мұны мақтанышпен айтуға болады. Отанымыздың отызжылдық белесінде архив саласы айтарлықтай алға жылжып, кеңес идеологиясының қазанында күйген қаймақтарымызды қайта ақтады. Оны – бір деңіз. Екіншіден ескі құжаттарға жан бітіріп, жаңартып, реставрация жұмыстары жүргізілді. Ол ол ма, ақпараттарды цифрлы форматқа көшіріп, заманға сай қам-қарекет қылды. Заманауи техникалық құрал-жабдықтардың көмегімен бояуы өшкен мәліметтердің маңызын кілкіп алды. Ендігі әңгіме, саяси қуғын-сүргін құрбандарын толық ақтап алу.
Спорт • 12 Қазан, 2021
Республикалық «Ұлы дала рухы» ұлттық спорт фестивалі мәреге жетті. Тәуелсіздіктің 30 жылдығы мен Қажымұқан Мұңайтпасұлының 150 жылдығына орай ұйымдастырылған жарыстың шешуші кезеңі елордада өтті.
Өнер • 12 Қазан, 2021
Құдды, анасы сатып берген альбомға бала салған болмашы суреттей қызыл да жасыл бояулар болғандықтан, еркеліктің белгісі іспетті елестейді. Ойыншықтай ойнақшып тұрған картинадағы бурыл ат неміс суретшісінің немкетті әрекетіндей көзге қораш көрінуі де мүмкін. Алайда маңыз басқада. Бұл – жеке қолтаңба. Кубистік бейнемен үйлескен жарқын палитра, түстердің өткір һәм қою жағылуы және апокалиптикалық көңіл күй тудыру Франц Маркке ғана тән құбылыс.
Өнер • 11 Қазан, 2021
«Қазақстан» орталық концерт залында «Бала дауысы» ұлттық балалар ән байқауының алтыншы маусымы қорытындыланды. Байқауды Әлия Назарбаеваның «Жандану әлемі» қоры Мәдениет және спорт министрлігі мен Нұрсұлтан Назарбаев қорының қолдауымен өткізді. Финалдық концерттік бағдарламалар аясында 14 облыстан және Шымкент, Алматы және Нұр-Сұлтан қалаларынан келген 17 үміткер өз өнерлерін үлкен сахнада паш етті.
Өнер • 11 Қазан, 2021
Бүгінде дәстүрлі түрде өтетін «Junior Eurovision-2021» халықаралық байқауына ұлттық іріктеу аяқталды. Оза шапқан өрендерді атын білгіңіз келсе, дауыс беріп, қолдауыңыз шарт.
Спорт • 08 Қазан, 2021
Ұлттық спорт ұлтты біріктіреді
Елордада Ұлттық спорт түрлерінен Тәуелсіздіктің 30 жылдығы аясында республикалық «Ұлы дала рухы» фестивалі өтуде. Төл спортымыздың көкпар, бәйге, теңге ілу, аударыспақ, жамбы ату, қазақ күресі, тоғызқұмалақ, асық ату сынды түрінен өтетін жарыс командалық тәртіппен жүргізіліп жатыр.
Өнер • 08 Қазан, 2021
Дәстүрлі өнердің дәуірі өткенін сұңғыла суретші Джон Эверетт Милле осыдан екі ғасыр бұрын ескерткен еді. Ашық аспан аясында табиғат пен адамның жан толғанысын бір-бірімен байланыстыра отырып жеткізген қылқалам шеберінің ой-өрісі қалыпқа сыймайды. Сонысымен замандастарынан ерекшеленіп тұратын да. Әйтпесе, есі дұрыс адам империяға қарсы келе ме? Сенбесеңіз, Отанының гүлі мен құсын сөйлеткен ағылшын перзентінің осы бір шығармасына ойлы көзбен қарап көріңізші?!
