Мәдениет • 01 Тамыз, 2024
Астана қаласынан бес шақырым жерде орналасқан Бозоқ археологиялық ескерткішінің аумағында «Бозоқ аруының шашбауы» атты республикалық этнографиялық фестиваль өтті. Салтанатты іс-шара аясында «Шолпы тағу» рәсімі көрсетілді.
Ең қысқа әңгіме • 31 Шілде, 2024
Өзіңді жақсы көру керек деп өзеуреп жатамыз. Осы ойды басшылыққа алып, қалағанымызша жүрсек, тойғанымызша жесек дейміз. Бірақ өзіңді сүймесең өмірдің өзі болмас еді ғой. Біз өзіміз деп кеудеміздегі құдайлық рухты айтамыз ба, жоқ нәпсімізді ме?
Ғылым • 30 Шілде, 2024
Көмірсутек бейтараптануын кеңейтетін жоба
Назарбаев университетінің жас ғалымдары көмірсутекті бейтараптандыру саласында серпінді жоба дайындап жатыр. Мұнай өндіре бастаған жүз жылдың бедерінде ел аумағында көптеген жерасты қуысы пайда болған. Аталған оқу ордасындағы тау-кен ісі және жер туралы ғылымдар мектебінің магистрлері мен докторанттар тобы бұларды ел экономикасына тиімді пайдалануға болады деп есептейді. Мәселен, көмірқышқыл газын сақтау үшін. Ғылыми жобаның сәтті жүзеге асуы мемлекеттің бірден екі мәселесін шешуге жол ашады. Біріншіден, ауа құрамы зиянды қалдықтардан тазартылса, екіншіден, қарқынды мұнай өндіру аумағында пайда болатын жер астындағы бос кеңістіктер толтырылады.
Әдебиет • 30 Шілде, 2024
Әулиелер мен хакімдерден кейін пайғамбарлық аманатты арқалайтын – ақындар. Тілім-тілім жүрегінен шашыраған Тәңірінің сәулесін жаһанға жаятын осы санат сарбаздары. Ол дүниеге келген кезде аспанның алты қабатындағы мәликелер мейрам етіп, бақиға бет түзегенде, көзінің жасын әбден бұлайды. Ал Тәңірлік әлемнің табалдырығын ашық-әшкере аттамай, жоқтыққа шым батып кеткен қалам иелерінің тағдыр таланын қай өлшемге сала аламыз? Замандастары бес күн жалғанға екі-ақ күн түнеген Әділ Ботпановтың да ләмәканға сіңіп жоғалғанына әлі сенбейді. Құдды қасымызда жүргендей, күндердің күні күлімсіреп алдымыздан шығатындай күтеді. Ал кей достары оны өлеңнің қандай болу керектігін көрсетті де, ғайып-ерен қырық шілтеннің артына ілесіп кете барды дейді.
Таным • 27 Шілде, 2024
Өмір бойы аңсаған арманыма қол жеткіздім. Тәубе, ал әрі қарай не істеу керек? Енді не нәрсеге ұмтылып өмір сүремін? Бұл – чемпиондық тұғырды бағындырғаннан кейін көптеген спортшының бас ауруына айналатын сұрақтар. Өкінішке қарай, көбі бұларға жауап таппай, өмірден баз кешіп кетеді.
Ең қысқа әңгіме • 26 Шілде, 2024
1972 жылы өткен Мюнхен олимпиадасы Вильфрид Дитрихтің жеңісімен тарихта қалды. Сол жолы 118 кг салмақта күрескен неміс палуаны 201 килолық Крис Тейлорды шалқасынан түсірді. Жиырма бірдегі америкалықтың отыз тоғыздағы әккі немістің әдісіне түсіп қалғанын әлеуметтік желіде әлі күнге дейін жарыса жазып жатады.
Көрме • 23 Шілде, 2024
Елорда төріндегі Ұлттық музей биыл 10 жылдық мерейтойын атап өтіп жатыр. Соған орай «Дала кескіндемесі: рәміздер, бояулар, бейнелер» атты көрме мен оның аясында шыққан каталогтың тұсаукесер рәсімі өтті.
Мирас • 20 Шілде, 2024
Ақмола облысынан тарихи артефакт табылды. Оны Сандықтау ауданындағы өрт сөндірушілер ормандағы рейд кезінде аңғарған. Жаңалықты Ақмола облысының Төтенше жағдайлар департаменті мен тарихи-өлкетану мұражайына хабарлаған. Бұдан соң жәдігерге астаналық ғалымдардан бөлек шетелдік ғалымдардың да қызығушылық тудырғаны белгілі болды.
Ең қысқа әңгіме • 16 Шілде, 2024
120 мың долларға бағаланған банан
Осыдан бес жыл бұрын халықаралық «Аrt Basel Miami» атты суретшілер жәрмеңкесінде 120 мың долларға бағаланған Маурицио Кетталанның жаңа «өнер туындысы» көрерменге жол тартты. Әйгілі Эдвард Мунктің «Айқайынан» да қымбатқа түскен бұл шығарма –скотчпен қабырғаға жапсырылған кәдімгі банан болды. Біздің қоғамда да өзінің құнынан әлдеқайда жоғары бағаланып жатқан қаншама «өнер туындылары» бар десеңізші. Әсіресе ән мәтініндегі әттеген-айлар...
Қоғам • 13 Шілде, 2024
Ол 25 жылдың шығармашылық ғұмырында 500-ге тарта туындыны өмірге әкелді. Қысқа ғана сықақ әңгімелері, повестері мен пьесалары халық көңіліне бірден жақты. Антон Чеховтың кейіпкерлері патшалар мен бастықтар емес, қарапайым, кей сәтте қарабайыр ғана адамдар. Олар қоғамның шындығы мен адамның сұмдығын күліп қана айта салады. Оны тіпті өзі де білмеуі мүмкін. Жазушының ерекше әсерге бөлеген сондай әңгімелерінің бірі – «Сау сайтан мен мас еркектің әңгімесі».
