Аймақтар • 04 Мамыр, 2021
Шабындық пен табындық жер жетпейді
«Бiз мына кең далаға сыймай жүрген жоқпыз, сыйыспай жүрмiз» депті ғой Ғабит Мүсірепов. Қалай дәл айтқан, ә?! Ұлтарақтай жер үшін ауылдасымен қырық пышақ болып жүрген ашкөз жер иеленушілерге қарата айтқан ба деп қаласың кейде. Колхоз, совхоз тарай сала, гектар-гектар жерді рәсімдеп алып, не өзі игермей, не өзгеге бермей отырғандар бар бүгінде. Құжаттарын заңдастырып алған соң оларға жергілікті билік те ауыз аша алмақ емес.
Қазақстан • 04 Мамыр, 2021
«Үкімет үйінің» тұрғыны болған қазақ кім еді?
Адамзат тарихындағы ең бір ауыр зұлмат болған, миллиондаған адамның өліміне, қайғы-қасірет шегуіне, орасан зор көлемде материалдық құндылықтардың талқандалып жойылуына әкеліп соқтырған, мыңдаған шақырымдарға созылған майдандарда жойқын, қантөгіс шайқастар өткен Екінші дүниежүзілік соғыстың аяқталғанына биыл 76 жыл болғалы отыр. Сонымен қатар бұрынғы Кеңес Одағына қарсы соғыстың басталғанына 80 жыл толады.
Қазақстан • 29 Наурыз, 2021
Амалбек Тшанов: Майшам жарығымен жұмыс істеген кездер де болған
Тәуелсіздіктің 30 жылын елмен бірге жүріп өткен тегеурінді тұлғалар қатарындағы Амалбек Тшановтың есімін ел шежіресі аттап өте алмасы ақиқат. Бөлек талапшылдығымен, тәуекелшілдігімен егемендіктің елең-алаңында билікке келіп, саясатқа араласқан азаматтың аз уақытта атқарған ілкімді істері қай кезде де менмұндалап тұра бермек.
Қазақстан • 29 Наурыз, 2021
2000 жылдардың бас кезінде қазақ әдебиеті мен мәдениетіне, тарихына, география ғылымы мен ұлт этнографиясына, философиясына, халқымыздың жалпы руханиятына Серікбол Қондыбай есімі мен еңбегі өзгеше құбылыс болып енді. Филология ғылымдарының докторы, профессор Е.Қажыбекше айтсақ, «мифтік реконструкция саласындағы мұзжарғыш қасиетке ие» Серікболдың ғылыми шығармашылығы ұлттың жоғалғанын соны пайымдармен түгендеп қана қоймай, бұған дейін белгісіз болып келген ұлттық болмысымыздың түп-тұқиянына қатысты кейбір мәселелерге, түркі дүниесі құндылықтарының шығу төркініне, есте жоқ ескі замандағы ата-бабаларымыздың дүниетаным көкжиегіне тың ізденістермен талдау жасайды. Филология ғылымдарының докторы А.Сейдімбектің «Серікбол Қондыбай қазақ тарихын иісі түркі тарихының, түркі тарихын жалпыадамзаттық тарихтың құрамдас бөлігі ретінде зерделеді. Нәтижесінде, қазақ тарихының философиясы деп аталатын ғылым саласының бағыт-бағдары анағұрлым айқындала түсті», деуі осыдан еді.
Руханият • 24 Наурыз, 2021
Тегеурінді жырау, текті ақынның ел ішіндегі шығармашылық байланыстары туралы айтылғанда, ең алдымен қаперге алынатыны – оның Жетісу ақындарымен дос-жаран, өнер адамы ретінде тығыз араласқандығы. Туып-өскен өлкесі Жетісу өңірі болғандықтан да, Жамбылдың көбірек қарым-қатынас жасағаны өзінің жерлестері болып келуі табиғи нәрсе. Ал оның басқа өңірдің сөз шеберлерімен байланысы болды ма, жоқ па, деген мәселе арнайы ауызға алына бермейді. Тіпті Жамбылдың Жетісудан өзге өлкелердегі өнерпаздармен шығармашылық әрі тұрмыстық деңгейдегі аралас-құраластығы жөнінде соңғы жылдары мүлде ескерілмей бара жатыр.
