Astana Arlans боксшылары Лондонға аттанды

АСТАНА. 23 мамыр. Astana Arlans командасы Бүкіләлемдік бокс сериясының жартылай финалдық матчын өткізу үшін Ұлыбританияның астанасы Лондон қаласына аттанды. Бұл туралы egemen.kz тілшісі хабарлады. Жартылай финалда отандастарымыз British Lionhearts командасымен кездеседі.  Бүгін Astana Arlans клубы ағылшын боксшыларымен шаршы алаңға шығатын құрамды жариялады. Бұл жекпе-жектер 26-27 мамыр күндері өтеді. Қазақстандық жасақтың құрамында мына боксшылар қолғап түйістіреді: С1 49 кг: Жомарт Ержан 56 кг: Нұрсұлтан Қосшығұлов 64 кг: Самат Бәшенов 75 кг: Мейірім Нұрсұлтанов 91 кг: Мұхамеджан Еркін С2 52 кг: Азамат Исақұлов 60 кг: Закир Сафиуллин 69 кг: Асланбек Шымбергенов 81 кг: Нұрдәулет Жарманов +91 кг: Қамшыбек Құнқабаев Қосымша жекпе-жек болса, рингке 52 килода Азат Махметов шығады. Жартылай финал «Хабар» телеарнасынан Астана уақыты бойынша сағат 01.00-де көрсетіледі. Дастан Кенжалин. Дерек, фото: Astana Arlans клубының vkontakte әлеуметтік желісіндегі парақшасы.